向來以豪爽見稱堪輿學家麥玲玲，當年盛傳C君（鄭詩君）與「港台之花」黃天頤結婚，豪花7位數字的人情，雖然麥玲玲事後已經澄清：「其實只係封咗10 萬蚊人情。」不過傳聞仍然未有停下來！在昨晚（29日）播出的《玲玲友情報》，麥玲玲找來農夫擔任嘉賓，C君道出另一個版本。
相關閱讀：玲玲友情報丨麥玲玲豪封百萬人情賀C君結婚？傳睇風水賺到身家豐厚 曾拎18萬Hermès拍戲
農夫遭麥玲玲司機潑冷水：佢哋會紅？
麥玲玲一開始便強烈指控農夫是騙徒，指二人經常有意無意要求她轉錢，雖然二人事後全數歸還款項，但麥玲玲還是揚言因為農夫沒有支付利息，故深感被騙，純粹搞吓笑的師傅邊說時邊忍不住大笑，令農夫大感無奈，C君還說：「你當佢係師傅，但係佢當自己係銀行，有冇搞錯！」接着麥玲玲對C君說：「大家成日都研究你結婚嘅時候，話我送咗個首期，所以大家好期待你再結婚！」C君立即道出另一個版本：「我唔知師傅喺邊度買樓啦，但佢畀我嗰個人情真係做到首期嘅，如果喺明朝。」即將迎來25周年的農夫，行仔天真地問農夫：「會唔會搞圍酒？」即時辣著農夫：「你真係覺得我哋毫無音樂價值架喎！」麥玲玲自爆當初一早已睇好農夫，不過卻遭自家司機潑冷水：「佢兩個好似核爆過後咁喎，你真係覺得佢哋會紅？」說畢惹來哄堂大笑，陸永即忍不住反擊：「你可唔可以出你司機嘅尊容，我想睇一睇啫！」
麥玲玲指控C君任職J2創意總監時無視「搲撈」
麥玲玲再指控C君當年任職J2創意總監時經常玩失蹤，更無視她的「搲撈」，最找了蘇民峰師傅擔任J2風水節目主持，不過C君強調真正派檸檬者是麥玲玲，並笑言多次致電對方表示有愛情節目等埋她埋位時，麥玲玲是以一句「我未返嚟香港喎」為由、以致合作未能成事。C君又有意無意玩踢爆，細細聲向玲玲師傅隱名爆謂：「同埋我又唔係搵阿XX（做節目）」，玲玲聞言即激動謂：「咁又係，唔係我就絕交喇。」全程在旁食花生的陸永見狀即加多兩錢肉緊大玩「猜猜我是誰」：「有一位師傅佢（麥玲玲）唔係好啱嘅，第一性別唔同，第二連個名都唔同。」
麥玲玲講封7位數人情給C君：
無所不「爆」的麥玲玲和農夫，席間還提及一件昔日「拜年」趣事，事緣被麥玲玲定位為「冷漠派」的C 君，有一年主動提議到麥玲玲屋企拜年，竟因而招來麥玲玲疑神疑鬼，事後農夫更自此於農曆新年期間絕迹麥玲玲家，事件更離奇地與蕭正楠扯上關係。三人談及當時情景時依然笑個不停，當中尤以麥玲玲最為興奮：「有一年過年，佢（C君）係都話要嚟我屋企食飯，我以為佢整蠱我，我覺得你係唔會無端端話要拜年嘅。」
被輪流夾擊的麥玲玲誓不罷休
C君聞言即作冇癮狀：「從此咪冇再拜過咯，拜一次年就講一世！我去拜吓年啫，佢就諗住我哋梗係嚟拍嘢喇。」此時陸永再加一腳：「佢（玲玲）開門見到我哋冇cam man冇剩，失望到哩。」被輪流夾擊的麥玲玲誓不罷休，即席提出兩大疑點力撐自己：「喺我心目中，你哋係唔會拜年，第一，係都要去我屋企食，第二，佢（C君）個人好ad hoc（即興），嗰次係四日前問我攞地址，原來就因為嗰個蕭正楠！」原來當時提早想要地址的人是蕭正楠。
其他文章：
玲玲友情報丨麥玲玲自爆與老公首次約會看三級片！ 黃紫恩被數八宗罪難出Pool
