巴黎奧運第一日賽事，周六全面展開，香港運動員出擊，而且已經有爭牌機會，一定要全力打氣。
世界排名第一江旻憓，出戰女子重劍，一日內玩晒，有冇牌即知。佢周六下午4點50分，會喺32強出場，如果能夠一路過關，周日凌晨3時30分會打決賽，希望到時見到佢喇！就算入唔到決賽，周日凌晨2時40分打銅牌賽都好吖。
大項游水方面，泳后何詩蓓保留實力，唔參加下畫5點開始嘅女子4×100米自由泳接力初賽，期望最後一次參戰嘅歐鎧淳，可以游出個人最佳水準喇。
講到爭牌黑馬，仲有男子跳馬石偉雄，佢今晚會玩初賽；仲有乒乓混雙黃鎮廷/杜凱琹出戰16強，都好值得大家留意㗎！
石偉雄
奧運港將主要賽程表
16:00 男子單人雙槳艇初賽 趙顯臻 /
16:48 柔道女子48公斤級或以下比賽64強 王嘉莉 /
16:50 女子重劍32強(如晉級，21:05打16強，22:25打分8強，7月28日凌晨後4強至決賽) 江旻憓 /
17:00起 女子4X100米自由泳接力初賽 接力隊 /
20:00 羽毛球混雙分組賽 鄧俊文/謝影雪 /
20:00 羽毛球女雙分組賽 楊雅婷/楊霈霖 /
21:30 跳馬初賽 石偉雄 /
23:15 乒乓球混雙16強 黃鎮廷/杜凱琹 /
25:00 女子重劍(如晉級，25:00起4強、26:40銅牌賽、27:30決賽) 江旻憓 /
(賽程以大會最後公布為準)
