不少人都認為在大庭廣眾剪指甲缺乏公德，因為不單不衞生，聲音更是滋擾。近日網上就流傳一段影片，一名中年男子乘坐276B巴士線期間剪指甲，被其他乘客勸止，他竟「巴士阿叔」上身爆粗大罵，引發網民熱議。
斥罵拍片者：你都傻傻哋！
從網上流傳的影片所見，一名巴士乘客不滿鄰座阿叔在車上剪指甲，一邊拍片一邊勸止，豈料阿叔不聽勸兼斥罵對方：「X！巴士咪巴士囉！X你XX！你都傻傻哋！X！我發覺你都傻嘅！」
阿叔在巴士上剪指甲，引起鄰座不滿。網上影片截圖
阿叔不滿剪指甲被勸止，遂爆粗斥罵。網上影片截圖
阿叔斥拍片者多管閒事。網上影片截圖
阿叔爆粗大鬧拍片者。網上影片截圖
多數網民都不認同「巴士阿叔」所為。網上截圖
網民直斥「巴士阿叔」不衞生。網上截圖
網民認為片中阿叔無文化。網上截圖
網民指唯有盡量分享這影片，希望其他人明白甚麼是公德心。網上截圖
網民指「剪完記得掃返走」。網上截圖
拍片者見勸止無果且阿叔惡言相向，於是表明會將影片放上網：「咁上網見啦。」然而阿叔對此不以為然，繼續破口大罵，粗口橫飛：「你挑釁我呀？你都戇XX！」「擺上網咪擺上網囉！X頭」，又罵拍片者多管閒事：「最X多X事咪係你呢啲人囉！剪指甲咪剪指甲囉！你都戇XX！鍾意就報警啦！X頭！」
縱然受到連番辱罵，拍片者仍然沒有動氣，簡單一句「多謝你嘅表達」結束今次爭執。
網民嘲：又衞生又唔衞生
多數網民都炮轟「巴士阿叔」行為不衞生，令人厭惡，甚至有人贊同應將片段放上網：「剪完記得掃返走呀，亞叔！」「真係好X憎呢啲人，其實啲指甲碎會彈到周圍都係」「哩啲老野無得救，唯有盡量分享個video當樣本比其他人知道，希望其他人明白咩叫公德心。」「任何年紀都有呢啲咁嘅X人，冇公德心又自私」「唔明白點解啲人咁衞生，隨身攜帶指甲鉗剪指甲，但係又咁唔衞生，喺公眾地方剪指甲，讓指甲四圍飛彈！」
