著名作曲家顧嘉煇徒弟、63歲音樂人周啟生，一向留意現今樂壇又敢言，不時公開批評時下當紅歌手。近日周啟生疑點名批評叱咤樂壇男歌手金獎林家謙，直指對方「廢青」，惹來大批網民熱議，而林家謙的粉絲更為事件反擊。周啟生事件持續發酵，而周啟生亦在Facebook出Post回應事件。
相關閱讀：周啟生唔驚死點評細粒男偶像：走音走到九彩 力撐何伯畀啲錢買開心勿奉獻身家丨獨家
周啟生再為林家謙「廢青」事件爆粗挑機？
周啟生前日與網民在社交網掀起罵戰後，昨晚（7日）再在FB出帖文解釋為何今次態度強硬又爆粗：「首先我要講：好多朋友都問我點解今次用嘅態度咁強硬，甚至講粗口？因為今次嘅情況真係有啲特殊。如果大家曾經去過另外嗰幾個轉發咗我個post嘅post睇吓，你會發現成班唔講道理嘅X街冚XX，好似一群癲狗，有目的同埋組織咁圍住我嚟咬。我毫無保留，亦冇選擇，所以我無餘地咁樣同呢班X街開火！《不畏強權，唔怕惡勢力，你夠膽嚟我夠膽同你開拖！》」
周啟生解釋「廢青」起因
周啟生表示人人都有權講自己想講的說話，而今次事件起因是來自一位朋友：「佢話唔鍾意林家謙，我亦都＋1句呢條廢青我都唔係好鍾意！熟悉我嘅人都知我成日都叫我自己做80年代70年代嘅廢青代表，想搞事，唔該躝X遠啲！我鍾意講乜，我就講！喺我自己地頭，就算行到出街，我都唔會怕你哋！」
周啟生不滿被指中三學歷
之後周啟生又表示想講對林家謙的感受，以及澄清網上對自己疑似資料錯誤一事：「唱歌超級雄壯/咬字清晰/好有氣/但係天生太靚仔。彈琴簡直係低班馬，佢夠膽我收埋一隻手同佢一齊彈一隻歌！我講得出口，我唔會收：X你唔起呀？我幾X時變咗中三學歷？？」
相關閱讀：周啟生點名狠批叱咤金獎男歌手「嗰條廢青」 被粉絲狙擊爆粗反斥：真係戇X！
周啟生多次狠批新一代歌手：
周啟生再公開鬧爆一個專頁的管理員：「擺明想搞我，我都唔X會妥你，講真話，我驚你唔X嚟！By the way，條廢青班狗fans—努力啲整多幾個Facebook Account啦，XXX(Fxxker) I fxxk you all！」周啟生在帖文下繼續洗版式回應網民：「呢條X樣喺背後搞咗我好耐」、「擺明就係想踩我，不過講音樂，搵唔到啲咩踩我喎！哈哈大笑」，有網民勸周啟生不要理對方：「你唔理佢就得㗎喇，佢講乜都唔會影響明白你嘅人。唔明白嘅就唔使理」。
專頁管理員出PO嘲諷
被周啟生公開點名鬧爆的「文人多說話」專頁管理員，也有在專頁及個人FB發文，還表示完全不識對方：「有冇睇到其實邊個有背後整鬼過佢，完全唔相識，就係聞風佢係70年代神童樂手身份去評林家謙，我冇乜印象以前好踴躍講過佢，我記得好似有一次，因為新冠肺炎全民搶口罩時期，恭碩良批評tommy向老人家派口罩手法，但周先生竟然就去批評恭碩良（但講嘅係人哋同林憶蓮之間嘅事），我覺得唔太公道，就有講佢兩句。但同今次林家謙就完全兩回事，今次佢嘅回應好奇怪，佢要同林家謙打擂台咁，要收埋一隻手去讓人哋彈一隻歌去比高低，呢啲係咩對決？比武招親？考武狀元？洗唔洗搵viu、tvb、hoy、rthk去直播？」
鄧建明無辜受牽連
對於周啟生提攜過多位音樂人：「Joey Tang（鄧建明）係我帶佢出身嘅，徐阿勤（徐日勤）係我師弟，Sin立文（單立文）都係好早期幫過我喺錄音室彈嘢，全部都係我輩分以下嘅！如果我喺度講一聲，Joey Tang有領導才（能），彈結他有天份，但係欠缺努力，所以唔會好叻！你哋可以同返佢講、睇吓佢敢唔敢博（駁）我！」之後「文人多說話」專頁管理員再更新：「（更新）佢有最新回應，佢話joey tang係佢帶入行、單立文係佢早期搵過錄音、徐日勤係佢師弟、巴拿馬政府係佢好朋友等等等等」。網民則反應兩極，在各自支持的FB專頁下作討論，有網民更寸周啟生：「廢青喺紅館開過七場演唱會，你呢？」此外，周啟生今日在FB出PO，透露10月1日舉行《搖滾黃河》第二場，已獲善長透過內部全部認購，不會作公開售票。
其他文章：
