今晚（26日）TVB節目《東張西望》報導余慕蓮近況，87歲的余慕蓮近年曾經歷耳石困擾、血液炎、肺纖維化重病曾入住ICU，幸好跨過鬼門關，但早前身體狀況再轉差，余慕蓮透露：「可能復發。」自知命不久矣，於是聯絡摯友米雪及安德尊協助她完成捐贈的心願，余慕蓮受訪期間更一度猛咳。
相關閱讀：87歲余慕蓮病情出現起伏 米雪安德尊陪同下捐身家 直言盼睡夢中逝去
余慕蓮交代後事、捐身家了心願：
《東張西望》節目組日前到余慕蓮家中拍攝，米雪與安德尊亦在場，米雪為余慕蓮化妝、Set頭，為大日子做準備。余慕蓮更因為被米雪要求合照，抱怨自己的老去的容貌，「巢晒皮，影乜鬼，而家個衰樣我唔想畀人睇呀嘛！」米雪不斷在旁邊讚賞余慕蓮，又稱：「係人都會老㗎啦」，最後成功哄到余慕蓮與她合照。
余慕蓮：我知我唔掂喇
原來當日余慕蓮要到一個機構完成捐贈財產的手續，余慕蓮急於完成此事，全因近來身體狀況轉差，她透露：「最近精神咗，因為食咗啲特效藥，醫生寫紙嘅，但好貴，一個月萬幾蚊。幾年前我入過醫院㗎嘛，我瞓咗喺度食唔到嘢，喺QE瞓咗半年，咁而家可能……復發掛。」余慕蓮指早前她到醫院覆診，被醫生禁止出院：「去到醫院又試過嘔，嘔到咩咁……咁我就知我唔掂喇！」
相關閱讀：87歲余慕蓮近況曝光！早前入護老院食慾不振暴瘦曾狂呻：就嚟死喇
余慕蓮服食標靶藥無效
不過余慕蓮對生死一向看得淡然，「咁我都唔驚嘅，我都80幾歲喇，係咪？所以我就要求米雪同大王幫我搵律師，寫定平安紙，因為我冇親人，我就將間屋呢……死咗先捐呀吓，唔係而家呀！我而家唔知我幾時死呀，我唔驚㗎！間屋就捐畀東華三院，咁我銀行仲有啲錢嘅，我好慳㗎！我以前做完《歡樂今宵》都唔捨得搭的士返屋企嘅，我行出廣播道搭巴士嘅，咁就儲埋啲錢啦！啲錢就睇邊個慈善機構需要，捐畀嗰啲慈善機構。」余慕蓮表示服食標靶藥已無效，現時已轉為服食特效藥。
余慕蓮與亡母關係疏離：
余慕蓮不求風光大葬
余慕蓮因曹達華而結識安德尊和米雪，原來二人在她大病時一直陪伴她，而米雪更不時上門為余慕蓮剪髮。安德尊透露，四年前余慕蓮大病住院多個月時，她已經提出過要捐財產，「新年後佢去老人院住咗一個月，離開老人院之後呢，佢又唔舒服入咗醫院，好差……佢同我講一句說話，今次棘手啲喇！佢話要處理啲事，我覺得唔係好妥，就搵米記商量。」米雪認為余慕蓮捐贈財產是好事，認為應該公開讓大眾知道，讓別人效法她的做法，余慕蓮指自己是個低調的人，不愛出風頭，不過最後都被米雪說服。米雪說：「佢係一個好開通嘅人，所以立遺囑，或者自己生前死後點處理……去火化，係佢自己同我哋講。」余慕蓮亦表示早已告知神父無需為她風光大葬，「我冇後人拜，撒喺花園得喇！無憾啦！」
余慕蓮曾捐長期服務金建小學
其實早年余慕蓮在71歲剛退休時，將約20萬長期服務金中的8萬元捐到貴州幫忙興建「余慕蓮希望小學」，令山區很多小朋友有上學的機會。余慕蓮分享：「我自己讀得書少，我小學畢業㗎咋！做得啲乜？嗰時因為日本仔打仗，係我阿媽拋棄我老竇，（捐錢建學校）自己開心，人哋又受惠。我就至驚人哋呃我啲錢，我啲錢又帶唔走。」余慕蓮表示幾年前大病以為自己會離世，「以為死緊，點知死唔去，又畀我玩多幾年，瞓醒咪賺一日囉！每個人都要死，我而家希望死得舒服啲，唔好瞓到屁股又爛、身又爛，最緊要瞓喺度，睡醒已經唔喺度。」而人生即將走到終結，余慕蓮決定將自己的財產捐給工業傷亡權益會，原來余慕蓮在新聞中看到很多家庭因工業意外失去經濟支柱，她希望出一分力讓更多人受惠，連工作人員都對余慕蓮表示感謝，盛讚她的行為很大愛。
余慕蓮希望觀眾記得她
至於她1985年以29萬元購入的400多呎單位，她決定捐給東華三院，余慕蓮表示：「了咗我個心願囉，唔係我死咗間屋畀邊個呀，盡咗自己嘅綿力，幫得人就幫啦。交代咗自己想要嘅嘢、想做嘅嘢，因為我知我而家……我都80幾啦，唔知幾時去㗎嘛，咁去咗嗰陣時，間屋咁點呢，而家未死就安排先囉，死咗邊個幫我安排呀，好過畀人呃呀！你哋《東張西望》成日都有報人呃人！」最後更向觀眾說：「希望你哋記得我，我搞笑嘅……靚女唔輪到我，我會帶畀觀眾歡樂。」
其他文章：
86歲余慕蓮瞓唔到食唔落超忟憎：就嚟死喇 唔慣住護老院暴瘦驚現「雞爪手」丨獨家
