前TVB新聞主播余浩宗（Cyrus）2016年因眼紅紅報道新聞而引起網民熱烈討論，當時已經辭職的他有指因為髮型問題被責備而感不快，不過當日余浩宗解釋只因工作進入倒數階段而「感觸及感動」。離巢後余浩宗擺脫以往書生形象，突然留鬚操肌，一度有指他會與好友陳嘉倩做KOL。近年余浩宗轉行做歐洲名牌代購生意，近日他在社交網突然寸爆一位「旅遊達人」，再次引起話題。
相關閱讀：TVB主播林可瑩「派餅」？與緋聞男友去麥詩敏婚禮 家境富裕曾捱出病離巢
前TVB主播余浩宗寸爆炮轟旅遊達人？
余浩宗昨日（9月30日）在Threads突然發文指：「原來真係有人要扮坐business class去prove自己，我長期去歐洲做嘢都坐business，但係唔會因為咁覺得高人一等，咁樣諗都幾可悲，仲要係扮嗰下就更加好笑。不過唔出奇啊，以呢個人為人，以前同佢都算係識於微時，不過就唔算好熟，就一班人出嚟飲過幾次嘢，跟住隔咗幾年我入咗TVB做，離開嘅時候有啲關於我嘅報道等等多咗啲人識，點知忽然之間呢個人突然WhatsApp我（仲要已經幾年冇聯絡），講一啲都幾攻擊性嘅說話，我個回覆類似係，你心地都幾差㗎喎，就冇再聯絡過。點知又隔一排跟住喺IG出story攻擊我，真心覺得，呢啲人嘅存在感係要靠消費人哋過活。」
矛頭直指Jerry.C謝利
稱相信因果報應的余浩宗更寸爆指：「Btw,我舖頭長期好多名牌袋，得閒上嚟借俾你影吓相」。很多人留言估余浩宗所指的是誰，有人估計是有「旅遊達人」之稱的Jerry.C謝利（陳國熙）。余浩宗今日（1日）再貼出幾張搭商務客位的照片，公開寸旅遊達人：「我就唔係旅遊達人，不過學識咗如果坐business一定要影本Menu，我要影晒所有可以影嘅野」。余浩宗早前在2022年已曾出Po，矛頭直指Jerry.C，當時Jerry.C曾質疑Tyson Yoshi買點擊，余浩宗即發帖：「朋友分享俾我，呀！旅遊達人，我都真心想問你，點解咁International咁多外國人follow，但YouTube啲Views得1K，唯恐天下不亂就係你呢啲。」隨後余浩宗又再追擊：「踩完人之後delete再support，公開災難咪就咁嚟嘅囉。」因為Jerry.C於限時動態再次上載Tyson Yoshi新歌，並表示：「Support HK Music」。
黃紫盈報新聞落淚最經典？
現年38歲的余浩宗在澳洲讀新聞系畢業，曾因廣東話發音未夠字正腔圓而面試主播失敗，不過經過練習後，2015年加入TVB任互動新聞台主播，直至2016年離職，之後曾在一間國際公司任職人事顧問。除了余浩宗外，以往亦曾在有人在直播中落淚，包括最早2013年時黃紫盈曾在鏡頭前雙眼通紅，這一幕甚至在TVB劇集《新聞女王》中出現，高海寧飾演的「許詩晴」兩度在主播枱流淚。至於「翻版姚子羚」鄧詩穎、日前結婚的麥詩敏、鄭萃雯及廖淑怡等亦曾在鏡頭前流淚。除了新聞主播外，著名股評人胡孟青2009年亦曾為匯豐控股跌剩$33而當場灑淚！
其他文章：
麥振江女兒結婚丨麥詩敏獲多位女神級主播到賀 「新聞界咪神」溫蕎菲低胸搶鏡
