昨日（11日）重陽節網上流出享樂團現身一個特別的音樂會，還吸引逾200人參與，由於地點在大角咀的九龍殯儀館舉行，引起不少網民關注。主唱旨呈在現場唱片《活著Viva》及MC $oHo & KidNey的《係咁先啦》，獲網民讚好正。
相關閱讀：旨呈美容王國月蝕幾百萬感沮喪 為保錡脫陰毛遭娘親鬧爆
享樂團殯儀館開音樂會？
九龍殯儀館昨日首度舉行重陽節開放日，推廣生死教育，幫助公眾以正面態度面對生死。享樂團日前在IG出帖，當初收到演出邀時感覺奇怪：「幾日前收到一個來自九龍殯儀館嘅電話，好凝重低沉聲音邀請我哋一齊合作，舉辦第一次九龍殯儀館嘅音樂會。起初聽到嘅時候覺得好奇怪，點解會有呢一個想法？殯儀館本來呢個地方，其實每日就有音樂去悼念，然後主辦機構仔細地描述，佢哋希望透過今次活動文化分享不一樣嘅殯儀館。悼念唔一定要破地獄唔一定要聖詩，其實可以係你鍾意嘅流行歌曲，你喜歡嘅音樂去紀念，所以舉辦呢一個熟悉的音樂不熟悉的葬禮音樂會。」
音樂會吸引逾200人報名
旨呈之後在FB分享準備過程：「而家準備去殯儀館最後綵排，準備好今日兩場音樂演出，我知道可能有啲人會覺得一個充滿死亡嘅地方，點解要應承殯儀館舉辦音樂會？但係我可以同你講，我今日設計嘅主題係圍繞住對仍然活着嘅我哋，圍繞着我哋對廣東歌嘅思念同埋情感。成個殯儀館將會閉館變成一個開放日，你唔需要擔心有人搞緊身後事，今日淨係得我同你，分享心靈分享音樂。」今次的演出，旨呈透露有超過200人報名。
網民讚旨呈演出超水準
演出過後，旨呈在threads有感而發：「今日發現參與我殯儀館音樂會嘅觀眾之中，發現原來有一位聽眾已經癌症末期，我見到你一路聽我唱嘅時候一路喊喊得好厲害。 多謝你同我一齊接呢隻飛機。亦都多謝你將你最寶貴嘅時間，仍然走來聽我呢個音樂會，感謝你！希望你同我一樣可以活著Viva，遲啲一齊唱走先啦，係咁先啦！多謝你」，「賣棺材的男孩」專頁也有分享合照。
不少網民對享樂團在殯儀館演出，大讚：「好勇敢」、「演唱會超水準」、「今日演出好精彩，有嶄新嘅體驗」、「個音樂會好正，仲要連個BB觀眾都好投入。希望更多機會睇到旨呈你日後有這類富意義的演出」等。
旨呈曾參加《全民造星III》
40歲的旨呈（鄺旨呈）15歲已跟戴思聰學唱歌，亦自學吉他。旨呈於2013年與朋友組成樂隊享樂團出道，2020年曾參加《全民造星III》打入四十強，開始為人熟悉，同時在節目上被揭家族擁逾十億身家，旨呈母親為上市公司現代健康科技（前稱現代美容）創辦人兼主席曾裕。
其他文章：
