大熊貓盈盈和樂樂的寶貝龍鳳胎轉眼已經兩個月大，一眾港人「契爺契媽」心心念念「家姐」「細佬」，雖然海洋公園早前透露農曆新年前後兩姐弟可以與公眾見面，但一班網民仍然每日守候在園方社交平台，希望一睹近況。
「湊仔真係好攰呀」
園方今日（18日）就在社交平台上載最新一輯「盈盈湊仔經」，早前工作人員形容盈盈「母性越來越強」，影片中盈盈除了為家姐餵奶，更不時舔牠身體，湊女湊累了，二「熊」更一齊躺在地下休息。
到了第二天，家姐交由飼養員照顧，細佬就出場啦。盈盈盡顯母性，反轉細佬不斷舔，幫助牠排便，等到細佬睡覺後，盈盈也終於迎來「Me Time」，可以開心吃竹子。園方最後更為盈盈製作了「表情包」，指「湊仔真係好攰呀」。
盈盈餵奶。
盈盈幫細佬排便。
累了，盈盈要和家姐一齊休息。
盈盈抱着細佬一齊望鏡頭。
湊完仔當然要享受吓Me Time。
園方為盈盈製作「表情包」，指「湊仔真係好攰呀」。
