胡定欣、蕭正楠、羅天宇及謝雪心等今日（9日）出席台慶劇《巾幗梟雄之懸崖》宣傳活動，眾人更在台上隨機「CP配對」玩遊戲。定欣指剛與黎耀祥表白後落水的戲份雖然有安排替身，但覺得還是自己上陣較好，幸好拍攝時也做足安全措施，沒有受傷，問定欣現實中是否有試過表白，她說：「又唔係開聲先，大家行前少少，七爺都係因為柴十七嘅關心先至會行前一步，現實中都係咁，不過就盡量唔會出錯。」提到劇集最後柴十七在稻田向七爺表白，定欣就表示當初拍《公公出宮》時也是在稻田拍：「好奇妙，真係緣份，好似呼應咁，我覺得好浪漫，就算拍檔同戲劇都有唔同嘅浪漫，呢場戲我哋化咗個老裝，同埋我哋追日落跑咗好多轉，好難忘，拍完真係覺得全劇完。」
在旁的蕭正楠也指老婆黃翠如覺得定欣表白這場戲很好睇，也很有唯美感，問當初是否也跟翠如「有啲嘢」才表白？他表示係，雙方有好感才延伸關係，並指當時有信心才講：「開頭係佢去做世界盃，知我鍾意足球，都有聯絡，之後佢買世界盃紀念品俾我，跟住就順住去，真正開始就係佢返咗嚟之後，10年前嘅2月14日情人節。」問到兩人這10年中是否今年最難忘，因為有「紀念品」？他即笑說「又嚟？」，之後就拉開話題，指每年都難忘，但最難忘的是兩人一起去旅行，因為兩人會去不太熱門的地方，覺得好浪漫又開心。定欣又透露因為劇集要讓路給台慶關係，所以大結局時會一次過播兩集，到時也有活動跟觀眾一起看，而她也希望收視能夠保持或再往上升。
羅毓儀約定謝雪心一齊cosplay
同場的羅毓儀與在玩遊戲時與謝雪心（心姐）跳舞好合拍，心姐表示跟羅毓儀也是cosplay愛好者。羅毓儀受訪時透露今年在動漫節時遇到心姐，兩人「相認」後已傾好會再一起玩：「上次心姐扮《Spy × Family》媽媽，下次佢繼續扮媽媽，我扮阿女，再搵多個爸爸一齊玩。」羅毓儀指今次為《巾》劇去了橫店外景，而今次也是第一次去外地拍劇，不過她指好開心，因為每日收工也會跟大家一起去玩和食飯，黎耀祥跟胡定欣經常萬歲，她又讚當地多美食，更首次吃了全羊宴，笑言因此肥了不少。羅毓儀又表示因為網購十分方便關係，令她與莊思明及關嘉敏等有空就購物，除了拍劇外，每日的例行公事就是開工和收工時在旅館收快遞。
