由黃子華、許冠文、衛詩雅、朱栢康等主演的《破·地獄》 氣勢如虹，前日（9日）正式公映，上畫大半日票房已超過600萬，成為2024香港電影開畫票房冠軍，昨晚更衝破1,500萬大關。黃子華日前為電影宣傳接受鄭裕玲YouTube的《The Do Show》訪問，他自爆當年拍《男親女愛》遲到，向鄭裕玲道歉，但仍被對方當透明，又提到沒拍《飯戲攻心》續集是他入娛樂圈以來最難受的一件事。
相關閱讀：破·地獄丨首日即破《九龍城寨》記錄成開畫票房冠軍 黃子華：感覺非常奇妙
黃子華分享與鄭裕玲往事：
黃子華近日接受鄭裕玲的《The Do Show》訪問，鄭裕玲提到以前跟黃子華合作拍攝《男親女愛》時，因為日日都要拍，相處緊密，黃子華鬼馬說：「因為有Do Do，所以好intense（緊張）！」黃子華指別人拍處境劇可以拍到深夜，但他們因為有鄭裕玲帶領，他最早試過下午三時就收工回家。
《男親女愛》經典場面：
黃子華遲到遭鄭裕玲冷對待
黃子華更爆拍攝《男親女愛》時，有一種叫做「Do Do軍訓式拍攝」，鄭裕玲講求準時，所有事都要快，「我好記得有一次，因為嗰日我遲到，有個叫鄭裕玲嘅人，我同佢講：對唔住呀DoDo，我遲到！睬都唔睬我，直頭係望都唔望，做咗一朝嘅戲都好，除咗做戲，其餘時間一眼都冇望過，做完走咗去…」黃子華受到鄭裕玲的沉默對待，他惟有在放午飯時補鑊，「各位對唔住，我今日遲到，今日我請食晏！佢先一句：『算你啦！』你都唔知嗰種壓力真係大到呀，我最初直頭想小強快啲死！」
陳彥行遲到第一時間向鄭裕玲道歉
黃子華又爆當年陳彥行遲到，大家在一千呎的錄影廠準備，他與近50人在廠內一角，但陳彥行甫入錄影廠竟看不到他們50人，「佢一行入嚟，係行喺一千呎遠嘅Do Do嗰度，一嚟到就話：『Do姐對唔住呀…！』」黃子華指在鄭裕玲的帶領下，雖然好大壓力，但他都感到好開心，一來，大家合作好，二來，余樂天的角色令他好開心，「個人物就係喪，每日返嚟就係搞事！大家經常睇到片段都忍俊不禁。」
黃子華影視劇經典金句：
遺憾沒拍《飯戲攻心》續集
前年上映的《飯戲攻心》叫好叫座，其實黃子華一直都想拍續集，「我只能夠講兩句：我係想拍續集，因為某啲原因，我係唔可以拍下去，但我想繼續拍《飯戲攻心》，事實上我拍唔到續集，可以算係我入娛樂圈以嚟最難受嘅一件事。」
其他文章：
黃子華自揭人生最大遺憾事：辜負黃霑 罕談64歲不婚單身之謎 丨獨家
破．地獄丨黃子華許冠文破天荒世紀對談 Michael盼孖子華為香港做返啲嘢 子華透露殯儀館拍攝零壓力
