47歲的王貽興當年以作家身分走入電視圈，2006年與徐淑敏及沈卓盈主持TVB節目《最緊要正字》，才子形象，成功入屋。2018年王貽興為ViuTV劇《VR驅魔人》做演員、導演及編審，兩年後再客串劇集《黑市》，從此絕跡影視圈，改攻玄學界發展。近日百萬YouTuber「Ryuuu TV」夫婦檔Ryu、Yuma爆出婚變，各自偷食，連留學台灣爆紅的日本YouTuber Tommy亦被爆做介入Ryu、Yuma婚姻，今日（14日）有網民在連登分享王貽興就事件分享的感想，嘲他的言論是馬後炮，隨即掀起網民熱議。
相當閱讀：貽興變「玄學界林作」狂抽水！借艾粒歧視風波宣傳課程 網民：傷口灑鹽
王貽興被連登仔嘲馬後炮：
王貽興前日（12日）在FB發文，他提到YouTube頻道「Ryu TV」擁百萬訂閱者的YouTuber Ryu和Yuma，他們是一對來自馬來西亞和日本的夫婦，更指女方Yuma的偷食對象是Ryu的好朋友、YpuTuber Tommy，隨後王貽興出Po認叻表示：「上年我提過大家，要小心爛桃花和外遇偷食的年份，今年終於爆出大鑊，Ryu 與Tommy兩位百YouTuber一齊身敗名裂，多年積累的福報一次過燒盡，剛好又是太陽化忌的一年，究竟今年仲有幾多人出事……」
王貽興「神算」post掀討論
王貽興的「神算」post被網民截圖，並以「王貽興：一早話今年係要小心爛桃花和外遇偷食的年份，Ryu & Tommy」為題在連登出post討論，此post被網民熱議嘲笑王貽興馬後炮，「有邊一年係冇藝人名人有外遇，佢呢段嘢每年用一次用到佢死都啱用，仲要2個都唔係香港人，我都識話今年要小心身體、小心金錢損失啦！條友真係走火入魔」、「又係呢啲『一早話咗』」、「唉，水唔係咁抽，話哂都出過書，算係一個文化人，評論可以，但無需要係自己頭上加個光環」、「有結果之後加個reason又中，馬後炮輕鬆」。
羅泳嫻從電視圈跳入塔羅界：
王貽興自爆「半收山」
王貽興2007年主持TVB節目《謎》，因演技作狀遭網民嘲笑，並冠以「作狀王—貽興」稱號，幕前事業走下坡，王貽興近來年轉行做玄學家教紫微斗數，學生兩堂約5小時學費2,380元，不過日前王貽興在FB開post鬧學生，還打算「半收山」。
王貽興鬧爆有學生搵着數
在千字文中，王貽興列出10點，當中力數學生3大不是，他指出作為老師，學生對他總是有幾分禮貌同尊重，不過對住他的助手就態度大變、橫蠻無理，甚至提出各種過分要求，「好多出爾反爾嘅人性醜陋實錄」，他又舉例，分享「BB辣」的例子，「幾年前上過入門班初班，一早已經冇再繼續讀落去，但幾年後突然WhatsApp返你，問你明年後年流年嘅私人問題，你都要免費幫佢開盤答佢，助手有禮貌婉拒，佢就鬧返你轉頭，變咗係你唔啱，仲要再PM我投訴，你話係咪好癲先」，最後王貽興表示更誇張的學生，一開始表示要報名卻反口走數，欺騙你已報名，希望能獲得免費解答風水問題，「上完最後一堂前捉住你問晒全家祖宗三代三姑六婆到2046年嘅流年問題，甚至有啲義務幫完佢哋解決問題之後，佢哋答應會做善事或者還神，最後當然又係過咗海就神仙，睬你都傻，已讀不回。」
其他文章：
王貽興轉行教紫微斗數兩堂收逾2千元 玄學角度分析《給十九歲的我》爭議
