【TVB台慶／萬千星輝賀台慶2024】電視廣播有限公司（TVB）《萬千星輝賀台慶》已經於周二（19日）晚上假將軍澳電視廣播城隆重舉行。為慶祝踏入TVB 57周年台慶，今年的主題是「同一家人，與你前行」。在「值得被看見的凡星」環節請出多位新人，其中包括廖駿雄兒子廖家爵， 他還獲頒「全台力撐潛質男藝人」。
萬千星輝賀台慶2024丨廖家爵是廖駿雄兒子
廖家爵在《萬千星輝賀台慶2024》中獲頒「全台力撐潛質男藝人」，廖家爵是80年代TVB經典劇《天師執位》中飾演「大粒癦」的廖駿雄的兒子。廖家爵在2019年於第30期無綫電視藝員訓練班學員畢業後加入TVB，參演不少TVB劇集，包括《使徒行者3》、《隱形戰隊》、《逆天奇案》及《星空下的仁醫》等，廖家爵不靠父蔭，演閒角慢慢被看見，沒有令父母失望。
相關閱讀：萬千星輝賀台慶2024丨「大粒癦」廖駿雄兒子領獎爆喊 廖家爵早前喪父：我知你會睇到
「大粒癦」廖駿雄兒子撰文鬧譚俊彥？
譚俊彥在《萬千星輝賀台慶2024》上頒發「全台力撐潛質男藝人」，他在頒獎前一刻曾說：「我同呢位朋友有個緣份，我同佢合作咗一套電視劇，我哋演同一個角色，佢演我後生版，我演我而家老咗個版啦！我同佢有一個承諾，我拍戲嘅時候，你陪住我，你拍戲嘅時候，我陪住你。」他分享有日在醫院場景，廖家爵要演爸爸生病，即將喪父的情況，「佢當日演得好好，因為佢行返出個廠度佢同我講，我爸爸真係病咗，佢真係就嚟唔得。但佢敬業咁完成咗每一個鏡頭。」結果廖家爵一邊哭一邊說出感言：「多謝畀呢個獎我，媽……喺呢度我攞第一個獎，老竇……你而家唔喺度，但我知你會睇到，我好多謝公司畀呢個獎我，我亦相信好多新人都想得到大家認同……」
冷靜過後，昨日（20日）廖家爵在IG撰長文，言談間竟然鬧譚俊彥是衰人，他說：「排舞師喺幫我哋排位嘅時候講咗句：出到去，呢一個item係屬於你哋，你要幻想有spotlight打喺你身上 ，你就係個場嘅主角。嗰刻有種莫名嘅感動，直到去要onshow嗰個一刻聽到繁星其實真係好想喊，但無啦啦喊好似好醜怪就忍住咗，努力做好每一步，一路都唔知邊個頒獎，直到擰轉頭望到個好熟悉嘅面孔。我心入面有極大嘅問號，你頭先又問我呢part係要做咩，我仲講晒畀你聽，呢一刻你竟然係頒獎人！！！ 嗰下好似有啲預感，但同佢合作嘅又唔係得我，就唔敢諗太多，直到佢講：你陪我，我陪你。個下個防線斷咗，d回憶返曬黎 衰人 @tammerz（譚俊彥）喺全港面前整喊我！所以嗰個下我完全諗唔到講咩，除咗：多謝公司同埋多謝我屋企之外。」
「大粒癦」廖駿雄早前離世：
廖家爵續說：「我想喺度講返，呢個獎唔止屬於我一個，係屬於每一位好努力好認真對待自己工作嘅所有新人，希望觀眾們可以多啲留意，除咗主角，仲有佢哋身邊出現嘅每個小角色，正因為有佢哋落力嘅演出，先會有完整嘅表演呈現俾所有觀眾睇。有人行得快，有人行得慢。但只要唔停低你嘅步伐，就會行得比任何人都遠。唔需要同人去做比較，一步一步踩實佢，最後係到再次多謝公司，多謝投票畀我嘅朋友們，我唔會令你哋覺得投錯票。仲有多謝你 ，譚俊彥，我明你講咩，所以我會努力用實力令佢成真，好啦，多謝咁多位睇到呢度嘅朋友們，努力係會有人睇到，所以唔好放棄，每次都用心去做，抱怨可以有，但唔好畀佢消磨你團火，你會獲得更多，大家好，我係新人廖家爵。」
其他文章：
TVB台慶｜直擊紅地氈盛況！馮盈盈邵初側身上圍弧度盡現 高海寧展元祖「咪神」Cup數
