將軍澳海濱風景優美兼交通方便，毗鄰而居實在賞心樂事。但近日有附近的居民大呻，指對出空地有人自私地舉行深宵海景「演唱會」，擾人清夢。
表明要為民除害的樓主早前在facebook群組「西貢將軍澳討論區」以「11:30pm仲唱，好X大聲，以為人哋唔使返工！」為題上載相片開火，並在回應欄留言「佢哋唔會理人」、「唱嗰班，我知你有睇呢個Group（群組），見到你望上嚟，唔該11點好停，唔係唔畀你唱，雖然都唱得都唔好！」。
被網民問及是否感到「好勞氣？」時，樓主表明「我唔使返工，但我知其他鄰居要，我只是為民除害」。
深夜海景演唱會逐張睇 ＋ 網民掩耳回應↓↓↓↓
現場為將軍澳南橋空地
相片為鳥瞰角度拍攝，現場為將軍澳南橋旁一處空地，遠望康城及將軍澳跨灣大橋無敵海景。相中右下站有一男一女，站於長髮女子旁的「男歌手」似乎正手持咪高峰高歌，周圍有零星聽眾。
對於深夜仍然發出擾人聲浪，回應的網民無奈地稱「以為有個空地就可以才藝表演」，並不滿地指「又夜咗啲」、「唔好擾民！睇下時間啦！」。還有人上載香港的《噪音管制條例》條文，並大力建議「即刻報警」、「呢啲一定要報警」、「拍攝、加埋音響」。
另有正身受其害的網民表示，「上個禮拜已經有嘈到ＸＸ」、「我呢度都有，好鬼煩，每晚10:30開始鬼叫，都唔知唱乜鬼，好鬼難聽，真係唔使做啦！」。
深夜海景演唱會逐張睇 ＋ 網民掩耳回應↓↓↓↓
網民獻為民除害兩大招
獻計為民除害的網民除了報警這大招外，還支持樓主大聲鬧——「你大聲嗌：『有冇公德心，人哋第朝仲要返工！』」、「買定大聲公，有事ＸＸ佢」。
另一邊廂，在港鐵將軍澳站附近的尚德邨，也有「歌手」帶同咪高峰和揚聲器等搵食架生，在連接屋邨與港鐡站的天橋開檔懷疑賣唱，被街坊在facebook上載相片，投訴「歌手」製造噪音。
深夜海景演唱會逐張睇 ＋ 網民掩耳回應↓↓↓↓
將軍澳相關閱讀：
「輪椅黨」突襲將軍澳？ 疑以一物謀30倍暴利 網民怒斥：有報應的！
大家庭排8年派尚德邨兩廁單位 10分鐘行到港鐵將軍澳站 網民兩原因勸退……
飛甩鸚鵡匿尚德邨天橋邊 網民同情心大爆發：救起佢先
坑口站對出入夜後 呢樣嘢多到要大步檻過？ 網民仲影到野鴿夜軍團
毗鄰將軍澳醫院 街坊爆料：富寧花園後山廢村屋養逾百隻鴿 網民喊恐怖
將軍澳野鴿擴地盤 寶琳坑口傳至尚德 網民：恐鳥症患者驚到兜路走
