警方搗破網購詐騙集團，發現集團以「練功券」騙取受害人的名錶和貴價洋酒貨品，並拘捕包括集團主腦在內的11名男女。其中一名受害人徐先生被騙去4支價值共約13.3萬元的威士忌，他直言騙徒驗酒時假扮得非常專業，提醒其他網上賣家慎防受騙，交收一定要「一手交錢一手交貨」。
徐先生被騙去4支輕井澤威士忌。受害人提供圖片
徐先生獲警方安排一同出席記者會，講述受騙經過。他指自己早前在網上放售威士忌，詎料遇上騙徒，被對方相約到灣仔一商廈樓上辦公室交收。當日他抵達相約的商廈地點後，騙徒聲稱公司在樓上，於是帶他上樓進入辦公室，其間騙徒開始騙酒。他形容騙徒驗酒時扮作非常專業，「比正常酒舖驗得仲仔細，驗啲酒花，仲識用電筒照酒背嘅防偽標誌」。
之後徐先生被帶到另一間房，等待會計簽收文件並付款，「就係因為咁離開貨物，驗酒嗰個騙徒拎埋啲貨走咗，就咁俾人呃咗啲貨」。他形容騙徒聲稱準備合同只是拖延時間，當時3至4分鐘後他已察覺受騙，結果損失4支18年的輕井澤威士忌，價值合共13.3萬元。他提醒其他網上賣家，「啲貨品一定要擺喺自己面前，收咗錢正式交收咗，貨品先離開自己視線，咁就安全啲」。
騙徒會假扮買家在網上尋找賣方。
涉案的共享辦公室經悉心佈置。
同黨會帶受害人到另一房間，誘使受害人交出財物。
