現年53歲的TVB視后江美儀，昨日（31日）於IG上發表「年結心聲」，並激罕晒出跟父母的合照，三父女猶如「餅印」一樣，「想話唔係親生都唔得」。江美儀直指2024年「計劃趕唔上變化，但要信希望在明天」，她兩年前奪視后之後沒有開劇一年半，而與吳君如胞弟吳君祥離婚8年，感情亦未有着落，不過她心態正面，正等待着上天「會有最好的安排」。
江美儀指2024年「計劃趕唔上變化」
江美儀於社交網訴心聲，總結2024年，她認為「總括嚟講係開心嘅」：「雖然計劃趕唔上變化，但只要深信希望在明天吖嘛，日子就會過得越嚟越好㗎啦！感恩我遇到嘅所有人同事，多謝你哋令我有精彩嘅一年！只要你自重、自愛、自律、善良，冥冥之中，會有最好的安排。祝大家2025會好好，好好，好好！I am ready！」江美儀在此帖中，發布多張2024年的照片，當中有她到日本跑步、玩滑浪、滑雪、做義工、穿上泳衣騷白滑背脊的相片，而其中一張是她和父母的合照。三人當時疑似在行山，江美儀和媽媽做出心心手勢，一家人感情極佳，樣貌更加猶如餅印。
相關閱讀：原來視咁的丨周奕瑋被女團圍勁興奮大派心心 江美儀寸爆：攞獎隻眼都冇發光
江美儀激罕晒餅印父母合照：
江美儀奪視后久未拍劇
雖然「總括嚟講係開心」，但2024年對江美儀來說始終「爭啲」。兩年前奪「視后」之後年半沒有拍劇，江美儀曾表示：「譚俊彥都話攞完『視帝』後都靜咗一輪，但總會過、隨遇而安。」她不諱言最想仍是拍劇，直指如果不喜歡，根本冇可能「捱咁耐」。因為沒有劇怕，而她跟TVB的合約，是一年拍20集電視劇的合約，今年變「under show」，江美儀只得於年尾要主持綜藝節目跑數。
江美儀玩交友APP識朋友
而感情方面，江美儀近久久未有着落，之前她於YouTube頻道節目《娛樂好好玩》中，竟然大爆有玩交友App識對象，更豪言想約壯男當「炮友」，嚇壞不少粉絲。江美儀表示因為見到或識得有專業人士朋友，在交友App成功覓得真愛更準備結婚，所以學方力申及麥明詩般玩交友App。雖然她曾於節目中講過話想搵精壯「炮友」，但她之後指只是說笑：「我唔係諗住搵到啲乜，純粹係好奇想試探下，究竟而家嘅世界發生咩事。點解會有咁多網騙、情騙呢？如果好彩嘅話，可能識到個朋友呢！」之後她自爆有SP（性伴侶）社群邀她加入，江美儀表示：「我未有咁開放，唔會接受炮友關係！」因為她始終相信人生充滿希望，並依然相信愛情。
相關閱讀：甘比撐好友江美儀登TVB綜藝節目 多個舉動獲讚親民冇架子
江美儀感情生活Dry爆：
