香港網台BBO始創人曾達恩（混血肥仔）旗下的BBO網台，近期頻頻和明星合作，受邀上鏡者包括鄧麗欣。已婚的混血肥仔，最近被網民拍得與旗下索女主持秘密出現在屯門黃金海岸酒店，更指二人有拖手；而混血肥仔現正和女兒在英國的太太芊蕙，就於網上留言指「英國隨時可以離婚」。
混血肥仔疑於屯門偷食
混血肥仔是香港著名YouTuber，先後創辦網台「啱Channel」及BBO，他於2021年與前網台成員、老婆芊蕙離開香港，和女兒移民英國，不過他之後獨自一人重返港發展，老婆和女兒就留在英國。
相關閱讀：古天樂春茗派對場內相曝光！與最重要的女人做一事 全場叫爹哋古仔有呢個反應
近日網上流傳一張混血肥仔和女主持丁彥均（丁丁）於餐廳撐檯腳食飯的照片，戴黑口罩和女主持丁彥均 (暱稱「丁丁」) 密會食飯撐枱腳的相片，相片在討論區瘋傳。從相中可見，當時混血肥仔與丁丁在餐廳對坐用餐，兩人都有戴帽，混血肥仔就戴口罩遮到實，似乎不想被人認出，而丁丁則冇戴口罩。網民將照片放上網，指「香港咁細唔係以為包住就冇人認到下嘛」，網民指目睹混血肥仔和丁丁在屯門黃金海岸約會，兩人更手拖手，混血肥仔背妻偷食傳言即時甚囂塵上。而事件兩位主角混血肥仔和丁丁，到現時都未有對傳言作回應。
混血肥仔太太火速回應
但混血肥仔的老婆芊蕙，就於IG火速回應事件，她貼出一張一名大人拖着一名小孩的圖並寫道：「小女不才，屋企小事牽連大波（軒然大波）。真假我就唔評論，畢竟拋妻棄女、破壞哋家庭呢啲事，有違道德，絕對唔可以隨便安喺任何人身上。大家放心，英國可以隨時離婚，如有需要，我應該會好快收到通知。分一分，離一離，搞清楚，咁可以安英國家中繼續湊女 （好重要架） 自由既大門隨時打開。最緊要係唔好因為呢件事，令任何人蒙污名。將心比己，我都有兩位小朋友，名節好重要！」另外她亦在情人節時上傳「祝所有人搵到一個唔使買兩紮花嘅老公」的照片。
