財政預算案取消2500元學生津貼，惹來不少家長憂慮財政壓力增加，有「Ｎ無家庭」港媽昨（26日）得悉2500元被削，在社交平台表示，即日為女兒準備的飯盒亦「有啲Hea」，「我同女講，嚟緊飯盒都係咁hea架喇！節衣縮食喇！」
該港媽附有「Hea飯」的實拍照，帖文掀起熱烈迴響，她今日（27日）早上亦有更新女兒「Hea飯」的最新情況，詳情如下：
財爺削$2500學生津貼 Ｎ無港媽「Hea飯」餵女：「嚟緊都係咁hea！節衣縮食喇！」↓↓↓↓
財政預算案公布，現時為全港近80萬名中小、幼學生每年提供的2500元學生津貼，由2025／26學年起將取消。有港媽昨在小紅書以「HK小學生飯盒｜$2500津貼再見！」發帖，她表示：「今日飯盒有啲hea，我同女講，嚟緊飯盒都係甘hea架喇！節衣縮食喇！」
該港媽在帖文中附有該「Hea飯」相片，除一碗白飯外，尚有一碗菜和一碗切成條狀的豬肉。作為「Ｎ無家庭」（指無物業、無住公屋及無領取綜援家庭）的港媽，在帖文中對於2500元津貼被削減感不滿，她表示：「我地Ｎ無家庭，稅照交，但唯一$2500學生津貼都cut埋。」
她質疑一些騙取綜援的人士，因為成功騙過政府而仍然「可以拎全津……佢地有學津有交津，連買眼鏡電腦都有資助」，但她現在連唯一的2500元學生津貼也沒有。港媽說：「唔係靠$2500開飯，我哋買書買校服都唔夠，叫做幫下囉。開學又十萬樣費用要交，學生電子教學系統維護呀，冷氣保養呀。」她無奈表示：「啱啱老師催我交下個學期個雜費喇，又四百喇！」
相關熱話：財政預算案日撞正「超狂長車短搭」 伯伯去左近棄$2.5輕鐵坐$24過海隧巴 網民：新做法可解決問題？
相關熱話：財政預算案日撞正「超狂長車短搭」 伯伯去左近棄$2.5輕鐵坐$24過海隧巴 網民：新做法可解決問題？
港媽：真係N無家庭的悲歌！
她認為該2500元學生津貼，應該不用派給綜援者，其他如她們沒有任何政府福利的「Ｎ無家庭」，應該繼續獲發2500元學生津貼。「本身已經拎全津半津綜援既，就唔應該派$2500畀佢地啦……對佢地無影響架！仲有好多基層福利等佢地發掘！」她形容現時小朋友開支樣樣加：「書商年年加價，返學鞋又係」，現在取消2500元學生津貼，「真係N無家庭的悲歌！」
帖文引發熱議，有網民指出，港媽的所謂「Hea飯」，其實「唔hea la，豬頸肉都唔平㗎。」「咁都叫hea，平時食開九大簋，我返學嗰時帶飯都係咁上下，菜肉飯仲想點。」該港媽在其小紅書帳戶中不時分享為女兒做的飯盒，過往製作的飯盒和今次比較似較為豐富。
有網民認同港媽反對政府削減2500元學生津貼：「呢$2500係我哋中產唯一既福利，都冇埋！免稅額越來越少，乜福利都冇我哋份，淨係向中產開刀！」「教育的錢不應該慳。」
港媽最新更新：唔捨得剋扣個女飯盒
不過，有網民則認為2500元學生津貼只是疫情時的臨時措施，並非恆常措施，「我之前讀書個個都冇㗎啦，呢樣嘢係不嬲都冇，疫情先有，低收入或者有困難都可以申請書簿費，唔好唔好嘥我哋啲納稅人嘅錢。」
有網民問：「其實，你自己有小朋友，但你講到自己都仲要交稅，即係收入都有返咁上下高，有無個$2500有影響咩？」該港媽回覆表示：「唔會開唔到飯！不過開學嗰啲使費，有幫補會好好多囉！」該港媽今日（27日）早上以「繼續生活」為題發新帖，顯示其女兒飯盒已經恢復豪華豐富版本，不再「Hea飯」，她表示：「飯都係要煮，刻薄自己都唔捨得剋扣個女飯盒，生活都係繼續，同埋繼續睇劇……」
同場加映：2元乘車優惠︱「兩蚊兩折」正價定半價計？長者「半價」再兩折？答案揭盅計法係咁：↓↓↓↓
