苟姑娘恨做媽媽 見囡即拖母愛爆棚 為搵第二春頻蒲頭social 一改「宅女」生活│獨家追蹤

現年41歲的苟芸慧（苟姑娘）於2018年嫁富三代賽車手陸漢洋，婚後淡出幕前過闊太生活，但自疫情起有傳二人因生育問題有分歧屢傳婚變，不過雙方一直未有回應。苟姑娘早前出席活動終於開腔承認離婚，並透露手續已搞得差不多，決心結束7年婚姻。《星島頭條》捕獲將全面復出的苟姑娘，回復單身的她狀態大勇，而向來極恨生B的她見到友人女兒更顯一臉慈母樣子，母愛氾濫。 文、圖：娛樂組

見友人女兒兩眼發光

苟芸慧早前宣布正式離婚，並透露將全面復出，實行靠自己養家。《星島頭條》日前捕獲苟姑娘現身中環置地廣場，見回復單身的她化完妝春風滿面，皮膚光滑，穿上白色長裙配牛仔褸，打扮青春，靚樣重拾昔日巔峰狀態，已經41歲的她絲毫不輸年輕時的全盛時期；苟姑娘先單拖在商場逛名店，星味十足，相當養眼，未幾她會合女友人，女友人更帶埋女兒同行，向來極恨生B的苟姑娘見到小朋友即時兩眼發光，展現甜美笑容，並熱情地主動拖住小朋友，全程對住友人的女兒有講有笑，照顧周到，又做出鬼馬表情，𠱁得小朋友好開心，簡直母愛氾濫；一行三人到商場中庭賣電話殼的pop-up store行街，苟姑娘選購了一個印有公仔圖案的充電器，充滿童心。期間，苟姑娘巧遇馬詩慧（王敏德老婆），二人寒暄幾句後，苟姑娘與友人便搭車離開。

苟姑娘同小朋友手拖手，十分溫馨。

會合女友人，女友人更帶埋女兒同行，

苟姑娘見到小朋友即兩眼發光。

苟姑娘在買嘢期間亦不忘低頭與小朋友交談。

苟姑娘全程拖住小朋友，沒有放手。

小朋友抬起頭聽苟姑娘說話，濔漫了「母慈子孝」的氛圍。

其實，苟姑娘一直都好鍾意小朋友，當年結婚時已經揚言要生夠四個，希望組織一個大家庭，婚後翌年更去打排卵針接受雪卵，為生B做足準備；可惜，有傳另一半完全不配合，只寄情賽車上，最後更離婚收場。

傳已走出離婚陰霾

據知，近日苟姑娘已經走出離婚陰霾，更一改「宅女」生活，除四出相約朋友聚舊，更積極投入工作，希望在幕前及朋友圈增加曝光率，藉此方便尋找「獵物」。知情人士透露：「苟姑娘一向頗重視感情生活，離婚之後，佢都好心急搵第二春，希望找到對的人可以趕及最後生B機會。近日，佢都好積極扮靚減肥，離婚之後曾經自暴自棄咗一輪，搞到輕微發福，𠵱家回復心情，一得閒就去狂做Facial又去做運動keep住副『偈』，每次出席上流圈活動都一副戰鬥格，不過，能夠被苟姑娘睇得上眼嘅人，亦都唔係咁容易搵到。」

苟姑娘在閒逛時更遇到友人馬詩慧。

苟姑娘四出相約朋友聚舊，更積極投入工作。

苟姑娘可謂狀態大勇，皮膚光滑，春風滿面。

知情人士透露苟姑娘好心急搵第二春。

苟姑娘早前承認與陸漢洋結束7年婚姻。