有網民放工在沙田發現一地紅色怪蟲，她拍照後好奇搜尋，竟發現怪蟲原來是被稱為「紅蝽」的害蟲，其黏液或引致嚴重過敏反應，本港曾有小童被紅蝽咬後須入ICU。
她在社交平台Threads分享事件，呼籲大家留意小心，有住在沙田、大圍、元朗及天水圍的網民亦紛紛留言報告，近日在區內亦發現紅蝽的蹤跡。
紅色怪蟲肆虐元朗沙田大圍 黏液或引致嚴重過敏反應 曾有小童被咬須入ICU 專家教以下應付方法：↓↓↓↓
有女網民在前日（6月29日）在社交平台Threads發帖表示：「啱啱喺沙田，一收工見成地都係，好奇search下，點知…」。
樓主發布的相片看到地上一堆紅色怪蟲，圍聚在一起，「仲要5-6堆，幾十隻喺條路到。」她說具體發現地點「喺沙田市中心，紅十字捐血中心，希爾頓嗰頭」。
樓主：早幾年有小朋友畀佢哋咬，入咗ICU
她上網搜尋後發現該紅色怪蟲，原來名叫紅蝽（又名離斑棉紅蝽/赤星蝽象）的農作物害蟲，食環署在過去曾表示，紅蝽的黏液有可能引致嚴重過敏反應。
樓主又發現，過往本港曾有小童因被紅蝽咬到，出現嚴重過敏須入深切治療部，她知悉後感到震驚，「真係Ｘ出聲，原來早幾年有小朋友因為畀佢哋咬，入咗ICU。」
「啱啱開始蒲頭，7-8月最熱先係旺季」
樓主指出，自己「喺沙田返咗兩年幾工，第1次見佢哋出沒」，紅蝽「依家先啱啱開始蒲頭，佢地7-8月最熱先係旺季」，「再熱啲先到高峰期。」
由於木棉樹的木棉為紅蝽的主要食物，樓主提醒網民「經過多木棉樹嘅路，開遮行穩陣啲，真係咬到，就清水沖洗，盡快睇醫生」。
網民紛紛留言指發現紅蝽的蹤跡，有大圍網民表示：「啱大圍見到，紅色都警嚇叫人唔好掂佢。」有沙田網民說：「禾輋隔離間中學外面都見過。」
有元朗網民亦說：「係元朗到見過，乜完來咁毒架。」
天水圍網民：成個洪水橋都係呢啲紅色蟲 無窮無盡…
有天水圍網民更拍片現場直擊街上有大堆紅蝽「無窮無盡」：「諗住落街放下狗，成個天水圍洪水橋都係呢啲紅色蟲，行幾步路就一堆。」
「畀人踩扁咗就會有新嘅一堆圍住啲屍體，再俾人踩扁就會再多啲圍住啲屍體，無窮無盡……我行條路起碼超過100堆。」
樓主綜合網民報料表示：「睇大家留言，由禾輋到沙田市中心至大圍都有，OMG。」有網民指「佢哋食木棉樹D棉花，只要有棉花飄到既地方，都有機會出現。」
食環署過往曾表示，紅蝽主要被視為農作物的害蟲，但未有證據顯示有礙公眾衛生。如不慎接觸到紅蝽的黏液，應立即用水清洗；敏感性皮膚或身體健康狀況較差的人士若接觸到黏液，會有機會出現嚴重過敏反應，應立即求醫。
香港昆蟲學會副會長陳濤接受《東張西望》訪問時，教授市民若遇到紅蝽爬上身時如何應付，他指出，紅蝽不會主動攻擊人，若被紅蝽爬上身，可以拿一張紙或樹葉，放在紅蝽前面，紅蝽便會自動爬到紙或樹葉上，離開人。
來源：k.yoyo.04＠Threads
同場加映：沙田民居牆身現「詭異怪蟲」 街坊：多到喊！小心ＸＸ被啃食↓↓↓↓
樓主近日在「沙田之友」FB帖文中附有「怪蟲」爬牆的相片及短片，樓主問：「請問有冇人知係乜嘢蟲？近排屋企好多。」
有網民留言「怪蟲」「好恐怖」、「原來真係有嘢走出黎。」「佢好大條。」「哎喲好核突啊，佢出面嗰舊嘢好大嚿。」
有網民更表示家中也有很多，「今年多到喊。」「怪蟲」其實是什麼呢？有網民指這是「衣蛾」，「要見一殺一，如果唔係遲下生到一房都係。」「衣蛾好恐怖，真係會食啲衫。」「潮濕就有，多黏在牆壁上。」網民紛紛提醒樓主小心衣服被啃食。
5大特徵判斷家中有否衣蛾｜點擊即睇↓↓↓↓
