颱風「韋帕」昨日（20日）襲港，10號風球高掛下，觀塘一名穿上短褲大水裝的女子，在康寧道橫風橫雨擔遮過馬路時出現狼狽險況，整個人被大風吹歪，撐著的黑色雨傘幾度反遮，迎風一刻幾變降落傘。幾經艱苦踏上行人路後，見到的結局更是超慘。詳情見下圖及下文：
觀塘短褲女10號風球擔遮過馬路人都吹歪 雨傘險變降落傘結局超慘逐張睇↓↓↓↓
樓主：對把遮有情有義
樓主昨日中午先後在社交平台Threads上載短片發帖，第一段短片以「十號風球」為題，見到短褲女撐傘迎風過馬路，人與遮齊被吹歪。第二段短片以「一日唔放棄都仲有希望」為題，片中見到短褲女艱苦過馬路，踏上行人路後，手持甩皮甩骨雨傘的則身和背影。樓主此時形容短褲女「對把遮都真係有情有義」。
韋帕颱風｜十號風球下將軍澳有大熊貓周圍走避風頭？ 同場加映暴龍元朗過馬路
網民：唔擔好過咁危險
有網民對短褲女的勇敢稱讚有加，指「臂力幾好」、「滿滿嘅儀式感」，同時留意到「就算把遮爛咗都冇隨地掉垃圾」。不過，有更多人抱另一看法，指情況危險「吹到佢完全偏離咗條斑馬線（編按：「綠色人像」過路處）」。有不少網民更加肉緊地提醒大打風時，穿雨衣較撐傘穩妥，呼籲「收遮啦」：
•著雨褸啦；
•其實應該著雨褸；
•唔擔好過，咁危險；
•其實開遮根本冇用；
•打風擔遮根本就冇用；
•其實都濕梗，收遮啦；
•咁嘅環境，把遮有Ｘ用咩；
•咁大風仲擔遮係咪冇腦㗎？；
•反正都濕晒，都唔知開遮嚟做乜；
•第一都濕晒，第二好危險喎收遮啦；
•打風出街係穿斗篷或者風褸，千祈唔好擔遮。
有人更加不厭其煩地細心講解：
•呢啲10號風球其實真係唔擔遮好過，以前見過好多片係因為把遮扯跌過人，仲危險，又少咗一隻手扶住其他嘢。
•其實好危險，一唔小心連人帶遮扯走咗出意外，最好係雨褸，萬一開遮遇強風盡快收遮搵地方避，反正要濕嘅把遮都擋唔到，收遮反而係最好選擇。
還有網民發現「其實佢是否遮錯方向？風從apm（商場）吹過來，但遮方面是相反」、「擔遮仲要紅燈都過馬路咁危險」；另有街坊指「觀塘康寧道呢個燈位，唔知點解唔打風嘅時候，都特別大風啲，啲風仲要壓住吹落嚟」。
資料來源：wing66666＠Threads
相關閱讀：韋帕颱風襲港蹂躪多區畫面大合集 網絡塞爆驚險恐怖時刻 多處險象環生咁都有…↓↓↓↓
「韋帕」颱風昨日（20日）襲港，十號風球一度懸掛狂風暴雨肆虐各區，大批本港網民在社交平台，分享親歷現場的驚險恐怖畫面，多處險象環生的時刻塞爆網絡，包括：斬竹灣有船撞山、汀九橋燈柱倒塌、地盤天秤亂揈等等↓↓↓↓
來源：FB＠梅窩人、車Cam L（香港群組）、黃大仙區之友、馬路的事討論區、西環變幻時；Threads＠minicat.leung、ben._111、tko_focus、eddieeckc、tuenmunlocals、joeywong2468、ychungtai、larp_w_sensei、leonstackhouse、irwinwong、onlyvon、kaitakbigbelly、wing66666、leavehousesafe、candycc088、weiiyat、tiny_tiny_place、billyonairphotography、pppphhhkki、chingching_tora、may.ng.123、mantomiaaa、lilcan_0、leungfun424、kinwingringo、wonglun
韋帕颱風相關熱話：
韋帕颱風｜將軍澳屋苑露天天橋驚變「斷命橋」 長者過橋緊抓石柱 同行居民爆恐慌：行到一半想嗌救命
韋帕颱風｜打風仍要返工！多區網民直擊實況：等車竟然比平時多人
韋帕颱風｜網民用「五月天」震懾暴風 附天文台專業講解：為何打風爆窗碎片散在室外？
韋帕颱風｜緊捉巨型垃圾桶 藍灣半島清潔工與強風搏鬥 跳出颱風華爾滋 網民敬佩：辛苦晒記得加人工
