港鐵旺角站早前出現連體嬰式衝閘場面，一名婦人緊貼兩名小童過閘機，被質疑有衝閘逃票之嫌。不過，有網民則估計，女子此舉可能有特別原因。詳情見下圖及下文：
港鐵旺角站連體嬰式衝閘 婦人緊貼兩小童過閘機逐張睇↓↓↓↓
行至尾段時閘機綠色箭變紅交叉
樓主本月21日在社交平台Threads以「MTR」為題上載短片發帖。事發於港鐵旺角站，片中見到疑似一家人同行，兩名小童率先行往閘口，隨後的婦人疑似開啟乘車碼後掃碼入閘，閘機亮燈開閘後便緊貼小童一起通過閘機。
可能由於太多人同一時間過閘拖慢步伐，婦人行至尾段時，閘機的綠色箭咀已變回紅色交叉，唯有快步前行。同行的男子接著也掃碼入閘，之後連同旁邊等候的女子，一行人往車站的B出口方向行去。
有回應的網民質疑婦人和小童有衝閘之嫌，不過也有人提醒，3歲以下小童可免費乘搭港鐵，認為片中婦人可能與小童過閘而已——「（3歲以下）小朋友本來就免票，大人不是用手機刷碼了嗎？」；有人則憶起「以前阿媽帶小朋友，都叫佢鐵通下面捐過去」的相熟畫面。
相關閱讀：港鐵旺角站捉逃票召警協助 冷帽男斷正 官方揭事件始末
網民常見連體嬰式衝閘
不過，也難怪網民有衝閘的質疑，因為提起連體嬰式衝閘，不少人也曾目睹類似情況：
•3個大人玩人形蜈蚣俾一個人錢我都見過；
•啱啱先有個50幾歲阿叔喺太子站跟人尾過機啦；
•我上次見到個男人黐住個女人出閘，但女人又唔發現；
•今朝返工先見到，一個老人家加一個大人，貼住咁過機；
•大人都是這樣的，一個貼一個，八達通就俾一個，逃票；
•最Ｘ街係有人黐我出閘，黐好埋，好快手咁扮嘢有拍卡；
•我試過一次過閘有個女人黐埋我身後，我鬧Ｘ佢，佢先彈開；
•我自己都親身試過俾人在背後貼住過閘，我唯有用粗口鬧佢哋；
•之前喺尖沙咀見到有個男人帶住4個定唔知5個細路仔直接衝入閘；
•我都見過一個人拍完4個人衝過，但當時好夜，客服又好遠，嚟得都走咗就算；
•終於有人錄到，我都唔知見過幾Ｘ多次，成日趁住呢個閘hold（維持）到兩至3秒呢個漏洞；
•我諗起有一次我喺旺角出閘，跟住有個阿婆唔知係個孫女定係邊個冇跟到出，之後個阿婆推個孫同我同一個閘出，我呆Ｘ咗。
相關閱讀：港鐵女職員爆速狂奔追捕逃票男 疑似女主角亮相結局曝光
港鐵：乘客須為同行3歲或以上小童買票
港鐵回覆《星島頭條》查詢時表示，車站方面，近日沒有相關紀錄或收到乘客查詢。港鐵續稱，不清楚當時的實際情況，一般而言，根據港鐵附例乘客須為同行的3歲或以上小童購買車票。港鐵呼籲乘客要遵守相關規定，若見到懷疑有違反附例的行為，應盡快通知車站職員，以便即時作出跟進。
相關閱讀：兩仙氣港鐵女職員查逃票 男子碌卡交罰款「霸氣」坐姿惹議↓↓↓↓
網絡瘋傳有男子坐頭等疑逃票被罰款，遇上港鐵職員查票，即場以「霸氣」坐姿碌卡惹來熱議，查票的兩名「仙氣」港鐵女職員，同成為熱議焦點。有關照片去年在多個社交平台瘋傳，惹起熱烈迴響，該名男子在查票時斷正，做出以下行為↓↓↓↓
