ViuTV（27日）在將軍澳舉行《ViuTV 2026節目巡禮》，預告推出5套劇集，及6大綜藝資訊節目，MIRROR成員Stanley與Lokman劇接劇。雖然Stanley更被MIRROR兄弟推舉為「視帝」，Lokman則自稱「視帝」，要與對方爭一日之長短。
姜濤請學生睇騷
節目巡禮邀請了多位藝人出席，包括MIRROR、魏浚笙、連詩雅、張繼聰及ERROR等。ERROR成員保錡神隱多時，曾解釋向公司請假進修，他在台上開口只說︰「對唔住，多謝。」之後MIRROR帶來跳唱作品《DAY 0》和《BOSS》，把現場氣氛推至頂峰。對於公司開台十周年，問到是否想加工人？Lokman指希望全港市民加人工，提到Stanley是劇王也被MIRROR兄弟稱為「視帝」，他稱自己有三套劇，兩套已拍，直認開心。Lokman也有三套劇，笑言自己才是視帝。Frankie都有拍劇，至於Tiger也有一劇《存酒人》，問是否需飲酒？他指那些是道具，Ian聽後即笑言：「啲酒鍾意佢（Tiger），自動畀佢飲！」問Tiger是否很喜歡飲酒？他稱不是，自己能控制。另外，問到MIRROR幾時再拍團綜？Lokman坦言計劃之中，「播埋之前宣布拍攝嗰啲，就會再拍！」
早前有英國學生粉絲在網上表示，沒錢看姜濤的演唱會，姜濤得知後即表示要請對方睇騷，問到送飛狀況？他指有聯絡該學生，安排中，他說：「令到我諗返細個冇乜條件睇偶像演唱會，而家自己係偶像，同大家距離唔係咁遠。（包機票和食宿？）係，差唔多！」MIRROR其他成員聽完即起哄，姜濤對MIRROR兄弟笑說：「你哋幾時坐巴士話我知。」
Anson Lo︰肌肉經已準備好
Anson Lo將開騷，「專注做好排練，剩一個月時間，有啲緊張。」又笑言「肌肉經已準備好」，直言去游水是為了練氣，之前只是跑步：「睇返演唱會歌單，有八、九成都是跳唱，驚唔夠氣，而家加埋游水，（封場游？）唔會，我係正常市民唔會封場，哈哈！」
Edan留港宣傳《模範的士3》
問到姜濤是否也會像Anson Lo般撥出一部份門票作慈善用途？他指不單演唱會，MIRROR每位成員平時也有參與慈善事務，「開騷沒特別想慈善問題，一公佈演唱會就等公司和歌迷會安排，自己專注演唱會就可以。」Edan有份參與的韓劇《模範的士》第3季即將播出，今日公開首段預告，他看到時指感覺神奇，坦言初接此劇覺得震驚，現在則很緊張：「劇中我講英文，自己英文唔叻，見到啲鏡頭都拍得靚。是否要去韓國做宣傳？他表示不用，會在香港宣傳。
Ian叱咤冧莊有暗湧
另外，有指Ian今年在叱咤只有一首冠軍歌，其餘四首也未能打入十大，似乎無望繼續冧莊「男歌手金獎」，他指沒留意，每年到這時間也會有人問這些問題：「我做音樂唔係為攞獎，出發點唔係呢度。作為歌手、創作人有自己諗法，訊息投放喺首歌入面，大家肯聽已好開心。（有留意點擊率同上榜成績？）都冇睇，有人聽已好開心！」
