56歲前亞姐冠軍翁虹的女兒劉蒔（小水晶）剛過了17歲生日，翁虹曾在微博貼了女兒一輯寫真相並希望好好享受及珍惜成人禮前的這一年。雖然翁虹以往因工作關係，曾與女兒分隔兩地，不過無損二人感情，日前翁虹罕談與女兒和老公的關係，她笑稱踏入青春期的女兒經常與更年期的她對撼，令她感苦惱。
相關閱讀：翁虹16歲女有靚樣卻因一舉動被指唔啱做明星？做烹飪KOL似趕收工 網民建議搵媽媽「補習」
翁虹罕談與女兒和老公的關係：
1989年亞姐冠軍翁虹曾經歷過兩段婚姻，在2005年與賭場副總裁伍偉傑離婚後，在2007年再婚嫁百體健康科技集團總裁劉冠廷，同年誕下女兒劉蒔，女兒盡得父母的真傳，曾被譽為「最美星二代」。不經不覺，劉蒔今年已經17歲，翁虹在微博貼上女兒的靚相並說：「你從一個小小人到今天已經滿17歲了！好好享受及珍惜成人禮前的這一年，也做好準備迎接未來的各種美好事物和新的挑戰！爸爸媽媽祝願你保持一顆善良積極、樂觀向上的玲瓏心。」 女兒亦有轉發留言：「天啊！ 時間過得太快了～ 感謝所有愛我的人，感謝爸爸媽媽17年前把我帶到這美好的世界！ luv u。」
翁虹罕談與老公劉冠廷多年的相處
翁虹早前曾接受好友汪曼玲的YouTube節目《快拍‧曼鏡頭》的訪問，翁虹經歷完第一次婚姻失敗後，雖然一度對愛情的失望對婚姻的恐懼，但直到遇到第二任丈夫劉冠廷後，令她重新解讀對婚姻的意義，談到與老公劉冠廷多年的相處，翁虹說：「我識佢嘅時候，我已經做緊呢一行，我唔係嗰啲結咗婚就放低事業回歸家庭嘅人，可能因為我先生喺外國讀書，佢會覺得我做咗咁多年，已經有一個成績，如果我放低晒，佢會覺得自己好自私，所以佢覺得愛我，係應該支持同承傳我。如果佢好似第一個咁，就會有第二次離婚。」
翁虹婚前已表明自己不是家庭主婦
翁虹還說婚前已經講明自己不是家庭主婦：「我都叫佢搞清搞楚，因為有第一次嘅經歷，所以第二個一定要講清講楚，而家係佢逼我結婚，唔係我趕住要佢娶我，我覺得最好就唔好結。」翁虹坦言滿意第二段婚姻：「我覺得係ok，到而家仲撐住，我先生係一個比較聰明嘅人，可能我比較單純，某程度上唔會將事情諗得太複雜，盡量簡單化，再加上佢係做生意，會居安思危，所以某程度上我哋係互補。」
翁虹年輕時美照：
翁虹更說：「雖然佢細我2、3歲，但係佢係一個好成熟嘅人，好多時畀咗好多意見我，我個女好似我先生，都係一個有邏輯嘅人。我同先生係有婚前協議，不過唔係大家想像中嘅財富，而係我哋唔可以隨便提出離婚或者分手，同埋如果大家有矛盾同衝突嘅時候，唔可以發脾氣出門口，絕對唔可以揸車，直到有咗小朋友，我哋再補充協議，財產點樣去分，除咗有個人戶口外，仲有個家庭戶口，所有關於家庭嘅嘢，大家都要平均分別出錢。」
翁虹透露早已立下平安紙
翁虹續說：「我老公話我哋出差唔可以坐同一架飛機，萬一有乜嘢意外，仲有一個人可以照顧個女。如果三個人一齊，咁冇辦法，睇個天安排，我哋最怕有乜嘢事，留低個女就唔好。」翁虹亦透露早已立下平安紙：「我覺得呢樣係好事，同埋如果大家做咗啲傷害對方嘅事，要罰100萬美金，罰完錢先再講離唔離婚。」
翁虹以往因工作關係，曾與女兒分隔兩地，不過無損二人感情，小時候女兒曾經投訴：「個女覺得爸爸比媽咪靠得住，佢細細個試過同爸爸講，點解人哋有媽咪陪，但係佢冇，可唔可以叫媽咪換份工？我先生就解釋畀佢聽，因為媽咪係演員，所以要『出面』工作，如果想媽咪開心，就要支持媽咪。」今年17歲的劉蒔盡得父母真傳，每次出現都搶盡焦點，一家人都是超高顏值一家人，問到翁虹會否給女兒入行，她說：「好多人搵我，有啲人仲叫佢原地出道，我嘅原則係不支持、不鼓勵、不反對、不提倡，因為佢係獨立個體，我作為媽咪只係會分析畀佢聽呢個工作好與壞，爹哋反而要求要先以學業為主。」
翁虹笑言青春叛逆期撞正更年期
不過翁虹笑言母女關係近期出現轉變，她說：「青春叛逆期撞正更年期，我老公好慘，夾喺我哋中間，唔知點解，喺呢段時間係好想鬧人同打人，好忟憎，阿女踏入青春期，成日都唱反調，呢啲真係報應，因為我同我阿媽都係咁，但其實阿女都係好關心我。」
其他文章：
翁虹超索囡囡做烹飪KOL！16歲教減肥搣脂惹質疑 煮瘦身餐晒刀工竟「冇人關注」？
55歲翁虹公開養生秘方！最重要四件事 網民激讚膚質極好似20出頭
