從60年代開始陪伴不少人成長的TVB長壽節目《歡樂今宵》，雖然在1994年暫告一段落，不過一班共事多年的台前幕後工作人員，每年都會舉辦聚會。《2024 EYT好友會聯歡晚會》日前舉行，成為《歡樂今宵》中堅分子盧海鵬，又怎會不出席，期間盧海鵬率領現場同事好友唱歌，中氣十足，連陳百祥都要下跪！
相關閱讀：EYT元老級藝人聚首一堂！70年代花旦汪明荃黃淑儀罕同場 一動作粉碎不和傳言
盧海鵬中氣十足率領同事好友唱歌：
縱橫演藝圈近70年的扮嘢界始祖盧海鵬，當年在《歡樂今宵》演出了不少趣劇，至今仍然令人津津樂道。雖然盧海鵬近年備受健康問題所困擾，2018年因心臟血管閉塞而入院，其後接受「通波仔」手術，再加上本身有腳患的他一度要撐枴杖行路，近年又因糖尿病帶來的併發症而患上青光眼，盧海鵬因而減少演出，專心休養，不過在《歡樂今宵》聚會的大日子，作為中堅分子的盧海鵬，又怎可能不出席？日前陳百祥在抖音貼上當晚聚會的短片，視盧海鵬為導師的陳百祥，單膝下跪向盧海鵬奉上大利是，玩得興起的盧海鵬更當眾「試咪」唱《前程錦繡》！
中氣十足的盧海鵬當眾「試咪」
片中所見，中氣十足的盧海鵬當眾「試咪」，率領藝員同事唱《前程錦繡》，而且還見到有人伴舞，盧海鵬全程表現higjh爆，一度不需要枴杖支撐身體，掀起了不少當年的回憶。盧海鵬曾表示「不捨一班歡樂今宵老拍檔一個一個的離開」：「特別係琴姐（李香琴）同炳哥（譚炳文），嗰陣我哋成日一齊去登台，大家好早認識。我哋好似一個家庭，大家做嘢好似玩，冇壓力，好舒服。」
「扮嘢界始祖」盧海鵬曾有不少爆笑造型：
盧海鵬稱當年扮肥姐沈殿霞最令他印象難忘：「扮阿肥就一定要扮到佢個身形都要似，我膊頭直吖嘛高，一扮佢就要垂低，戴咗個假髮，一企出嚟就似，嗰時我扮阿肥嘅時候，仲要攞佢真嗰啲bra，同個導演走上佢屋企摷，扮佢個陣，點知大過頭，塞幾多嘢都塞唔掂，嗰啲特色嚟，另外要扮到形狀要似，唔係扮咗就算。」不過近年盧海鵬已經甚少外出，起身看電視：「我都係睇番《歡樂今宵》，回憶返當年嘅工作。」
其他文章：
「EYT之父」蔡和平罕有現身聚會 82歲盧海鵬身體驚現變化？林建明一舉動掀回憶殺
