55歲前港姐陳淑蘭（蘭子）早年曾患抑鬱症，情路坎坷的她更被傳曾為情自殺，手上曾被拍到有長疤痕。昨日（14日）陳淑蘭在YouTube節目《豐陳三俠》中首度開腔談「為情自殺」細節，驚揭自己疑似撞邪，被冤魂索命。
相關閱讀：陳淑蘭舊愛67歲生日竟撞樣劉浩龍 分手多年關係保持密切曾揚言要繼續愛錫
陳淑蘭透露自殺細節：
陳淑蘭90年代曾自殺，右手臂內側留下幾道疤痕，外傳她當年是為情所困而割脈。昨日由她與周國豐、陳淽菁主持的YouTube節目《豐陳三俠》，討論撞鬼經歷，陳淑蘭罕有談及手臂上疤痕的故事。據當年報導指，陳淑蘭1991年經歷喪父之痛而患上焦慮症，有狂燥、抑鬱及輕微社交恐懼的症狀，陳淑蘭的情緒問題亦影響到她的工作。陳淑蘭在節目中分享，其實到現時仍分不清自己到底是有情緒病還是撞邪，「嗰時我爸爸過身，我一個人就去咗九龍城一個墳場就去拜，佢（陳父靈位）側邊就有一個女人嘅相，都頗後生，我見佢有張相……寫住『BB』、『寶寶』咁，我就多事，我就話『哎呀，你咁年輕就過咗身呀，真係慘喇』，真心都唔好講呢啲咁嘅嘢，多事喇！」
相關閱讀：陳淑蘭為舊愛祈文傑生日獻上香吻 分手後關係親如家人般愛護疼錫
陳淑蘭疑撞邪屢做古怪行為
自那天以後，陳淑蘭開始有很多奇怪行為，當時她受TVB力捧，安排她拍劇，但未開機時，她就躺在地上，更有失場的情況。陳淑蘭表示：「咁有次珍姐（曾勵珍）叫我去佢度，我上到去，珍姐好惡㗎嘛，我竟然唔驚，我應該真係有鬼符身。跟住珍姐就想鬧我『點呀，你想唔想拍㗎，知唔知公司用咗幾多錢……』，我就望住珍姐，跟住我就拎張相出嚟『我爸爸，我好掛住佢』，跟住珍姐喊，唔知點解。」陳淑蘭更指，那段日子，手心有發黃、發臭的情況。她亦解釋當時為何鎅手，「我嗰陣覺得自己喺唔喺現實世界入面呢，我平時好驚血，好驚尖嘢㗎嘛，但我搵嘢一鎅……見到血就知我喺現實裡面。大家唔好學，因為當時有病……定撞鬼點都好，我都唔知。」
陳淑蘭67歲舊愛祈文傑撞樣劉浩龍？
陳淑蘭自覺靈魂出竅
陳淑蘭指，她當時間中會突然歇斯底里大叫，有次被送到浸會醫院，更感覺到自己靈魂出竅，目擊自己肉身被人捉住打鎮靜劑的畫面。而住院期她更試過偷走，獨自在黃昏時份上山拜祭爸爸，更突然想幫沿途的靈位清潔，「跟住上到上面嘅時候，想跳落去，跟住好驚，就落返下面，冇跳。」陳淑蘭因為在山腳暈倒，被路人發現並送回醫院。
相關閱讀：陳淑蘭陳年情敵不只莫可欣！曾與陳芷菁「爭仔」反目廿年 為舊愛祈文傑寫臭老友？
陳淑蘭：有個女人想攞我命
陳淑蘭透露，當時情緒情況嚴重到影響工作，有時在TVB開工期間會不見蹤影，被發現在洗手間鎅手，連陳淽菁也曾聽說此事。陳淑蘭表示：「嗰塊刀片係生鏽㗎，好彩無細菌感染呀！」陳淑蘭更試過在TVB暈倒，然後昏迷數天才甦醒。有次她被當時的明星男友在她失場幾日後送回TVB開工，曾勵珍與李燕芳覺得她非常不妥，介紹一個師傅給她，「師傅畀咗啲嘢我飲，我唔記得我係即時醒定點，之後嘅故事係，師傅話有個女人想攞我命，咁就唔知係咪……如果係女人，唔知係咪我爸爸靈位隔離嗰個。」
防止自殺求助熱線：
「情緒通」精神健康支援熱線：18111
香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線(多種語言)： 2896 0000
東華三院芷若園： 18281
醫管局精神健康專線： 2466 7350
賽馬會青少年情緒健康網上支援平台「Open 噏」：http://www.openup.hk
其他文章：
陳淑蘭提舊愛獨欠黎明引揣測？曾自爆當年因一個原因分手 享受單身唔Lonely
