由陳茂賢執導、許冠文、黃子華、衛詩雅和朱栢康主演電影《破．地獄》，自11月9日正式至今，已經衝破9000萬票房，黃子華即將打破《毒舌大狀》逾億記錄。自從《破．地獄》上畫後，坊間多了不少對傳統殯儀的話題，為生死教育上了誠懇而嚴肅的一課。現年56歲的馬德鐘，日前在自家YouTube頻道，拍片分享臨終前的經歷。
馬德鐘拍片談生死
馬德鐘日前在YouTube貼了一段短片，內容主要分享：「有沒想過人離世後身體會發生甚麼事？最近的一份報導詳細介紹了死後 20 天內的變化及分享了死亡前的七個跡象。 根據我以前做警察時的個人經歷，講述接觸屍體的遭遇及心理影響，我亦會分享我對於人離世前的共同徵兆。」
相關閱讀：56歲不老男神甜蜜告白冧索妻 凍齡老婆黑色開衩晚裝散發高貴氣質
馬德鐘有臨終經歷：
馬德鐘想深究臨終經歷
在片中，馬德鐘一臉嚴肅地說：「我自己本身都有一啲咁嘅經歷，因為我都接觸過一啲屍體，亦經歷過親人、朋友離世，嗰陣我都發現咗一啲嘢，所以想同大家深究下。」馬德鐘稱最近看了一篇報導，內容詳細講解人在死後20天內的變化及分享了死亡前的七個跡象：「因肌肉會鬆馳，除了會失禁外，五官可能會有啲液體流出嚟，而且體溫慢慢仲會下降，肌肉開始硬化，血液會沉澱喺背脊而形成屍斑，再過多幾日，身體會有臭味嘅出現同埋有屍蟲。」
曾經做過警察的馬德鐘分享處理屍體經歷
曾經做過警察的馬德鐘，任職期間少不免有這方面的經歷：「有一日巡邏嗰陣收到電話，話有一間屋出現異常嘅惡臭，叫我上去調查下。嗰陣喺單位門口已經聞到好臭嘅味，消防爆完門，我入屋已經見到有一腐屍，有腐爛、屍斑同屍蟲，嗰種臭味係到差館都冇辦法食到嘢，喺味蕾嘅記憶係一直都喺度，要去到第二日嘅夜晚先叫做好啲，所以睇戲會見到有啲人查案時會搽啲嘢喺個鼻度，嗰啲應該係薄荷膏，又或者入屋之前會點香。」
相關閱讀：TVB視帝疑移居佛山與兒子同框被捕獲！26歲仔竟被指樣貌老過爸爸 曾父子齊拍劇發展平平
馬德鐘有個外籍準新抱？
馬德鐘分享做警察的難忘經歷
馬德鐘還說：「有一次係巡邏車更，嗰陣有幾個同事喺架車度，當時係好明確咁收到call，話係有屍體發現，上到山之後，我哋搵到嗰個報案人，見到有個男士嘅屍體吊咗喺度，好確實係已經離開咗。嗰陣第一時間解佢落嚟，但係只可以割斷條繩而唔可以解咗個結，因為條繩仲要攞返化驗。我負責抱住屍體，跟住慢慢放地落地，感覺真係好重。我哋需要幫佢採集指膜，但係佢隻手已經好僵硬，嗰陣聽啲師兄講，你一定要同佢（屍體）講唔使擔心，我哋係幫你，跟住慢慢搓返軟隻手，搞掂好啲工作後，我被安排自己一個留喺山上睇住屍體，再等下一更嘅同事嚟接。」當時等了很久都未有人出現，馬德鐘說：「嗰陣已經天黑，我又冇電筒喺身，四周圍只有樹同埋條屍體，我覺得時間好似好漫長，呢個係好難忘嘅經歷。」
馬德鐘父母離世前出現同一情況
後來馬德鐘再分享臨終前經歷，他說：「嗰陣我爸爸喺臨終前有一段好長時間嘅陪伴，我發現喺醫院，同爸爸係好正常咁溝通，而佢仲好精神，點知突間話：『鐘呀，點解前面有咁多人？前面有好多小販攤檔，仲有好多蟻行落落嚟。』但係嗰陣只係有啲病床喺度，我咪同佢傾返啲正常嘢，過咗幾日，我爸爸就離開咗，我只係諗嗰陣可能係藥物影響。」到了馬媽媽患上急病，馬德鐘說：「佢係心臟有血管撕裂，醫生話好彩可以自己埋口就冇事，唔好彩過幾日就會走，咁我咪去咗陪媽媽，點知又係有相同情況出現，傾傾下又係話前面有好多人，嗰陣我個心已經驚一驚，唔會係有問題？最終媽媽真係離開咗，到我啲好朋友臨終前又係出現幻覺，究竟係咪真係臨終前有呢個可能性出現？」
