一名兩年前移居日本的港女，分享在日本遇到「欺詐師」的親身經歷，這位「欺詐師」騙去女事主200萬日元（約10萬港元）後，竟仍赴約和受害者見面，過程峰迴路轉。
港女「灑（Sa）」於2022年4月移居日本北海道小樽，她在其Youtube頻道「帶著柴犬移居日本」分享以下慘痛經歷：
港女日本遇「欺詐師」失200萬円 呃完錢後竟仍見事主 日警一原因拒立案：↓↓↓↓
港女「灑（Sa）」表示，由於她籌備在小樽開設咖啡館，店內需要安裝三部冷氣，於是今年（2024年）8月開始魚翁撒網式「周圍格價」，最後選擇了一間開價260萬日元（約13萬港元）的公司，誰料該間公司正是欺詐師設立。
她說，8月中她收到該欺詐師致電，回覆報價及安裝冷氣的詳情，之後亦有電郵交代型號等細節，該欺詐師更曾到女事主的舖頭，實地了解日後「舖線」等安裝事宜，一切看似有板有眼。
她亦曾將對方傳來的冷氣資料，交給香港做冷氣的朋友細讀，未有發覺任何問題。
「網上面係有佢個樣」
雙方溝通了逾一個月，至9月中正式落實，全部費用為260萬日元（約13萬港元），她先付七成，即183萬日元（約9萬2千港元），而舖頭的業主則要付17萬日元（約8千5百港元）的清拆舊機費用。
她說付款前，地產公司有見過該冷氣公司的負責人，她在事前有上網研究該公司的背景，「我有上網搵佢啲information，網上面係有佢個樣，有佢張相……我亦都問過佢做過啲咩鋪頭，佢就講咗一紮，但係其實呢啲好難求證㗎嘛……」
她表示，在一個月的溝通中，感覺對方「係真係做冷氣」，當時她未有發現任何異樣，「佢嘅價錢平，亦都溝通到，亦都解決到我嘅問題，亦都網上有佢嘅樣，而我地產（公司）亦都見過佢」，她感覺放心於是決定了找該欺詐師的公司負責冷氣工程。
「其實嗰下我都有啲奇怪……」
9月尾，她過戶200萬日元（約10萬港元）給該公司，該公司在訂單中表明，收錢後14日內可完成全部工程，而可在10月3至4日開工。但其後，該公司又回覆女事主，要延至10月11日開工；女事主在10月10日再致電查詢，公司竟又表示因零件等問題，開工日期要再延至10月17日，當時女事主仍未覺受騙。
女事主在10月12日因其他事聯絡該公司，該公司首次無回覆，「其實嗰下我都有啲奇怪……八月中到九月中嘅溝通都係有來有去，好少會send完相佢冇反應嗰喎。」在原定10月17日開工前兩日，女事主再聯絡該公司，結果同樣未有收到回覆，發即時短訊，更不讀不回。
那刻女事主意識可能被騙，「我就心知不妙，點算啊？跟住我人開始好亂，係勁亂啊！」但女事主仍決定等至原定開工的17日，當日，該公司果然未有出現，而聯絡繼續無覆。
同場加映：住港日女發表「離開唔到香港嘅理由」 提8大理由香港完勝日本：↓↓↓↓
女事主坦言：「大鑊！今次應該真係畀人呃喇，第一次第一嚿公司畀嘅最大嚿錢……200萬円。」
女事主形容當時心情：「我晴天霹靂到好恐怖，我情緒係控制唔到我自己，我係冇食嘢啦，我係冇反應啦，我個人係不停祈求囉，祈求佢會儘快聯絡我，同埋佢唔係真係呃人嘅。」
她回想找這公司時，確有大意之處，例如除地產公司外，她自己從未「見過佢真人」，「冇去佢公司同佢坐低去傾嘢。」並無正式的當面接觸，便將200萬日元過戶給他。當晚，她找人到該公司的地址查看，竟發現該處「冇門牌冇公司」，而信箱亦沒有該公司名。
一路落口供一路震
於是當日半夜兩點，她決定去警局報案，她說報警時的心情是：「我抱住一個勁大壓力嘅心情，我勁內疚，勁自責，點解會發生呢件事點解我會咁唔小心，點解？！」
她在日本警局內顫抖地落口供，「我一路講（身體）一路震……我係feel到我自己係震緊。」警員當時表示會去查，但未有正式受理，警方告訴她，「如果佢搵我啦，就不構成故意欺詐成分，因為佢有搵我啊嘛，而佢（雖然）一直冇還錢，但佢一直話會做工程，（所以）佢冇構成呃我錢，只不過工程遲遲未開始……佢係冇犯法，而家佢唔係冇做嘢，佢遲啲做嘢啫嘛。」
她亦聽從警方建議聯絡銀行，查詢可否將已過戶200萬日元退回給她。
同場加映：大阪壽喜燒放題店出Po公審港人 港客紙巾做一舉動辣㷫店主：「為什麼港人做得出這種事來？！」↓↓↓↓
女事主自言之後不斷自責，有兩日「無食嘢」，但事件峰迴路轉，過了一段時間，該欺詐師竟主動聯絡她，其後她相約該欺詐師見面，對方竟然赴約。該欺詐師見面時，仍表示因為零件問題，要再等一些時間才開工，女事主要求他出示身份證明文件，對方竟又交出駕駛執照，讓她拍下留檔。
「我忍唔住將我心裡面屈住嘅情緒，一次過講嗮出嚟！」而該欺詐師不斷道歉，女事主要求他退回全部200萬日元，當日「佢就話佢成副身家就還咗3萬5日元（約1千5百港元）」，但承諾會退錢，現正借貸等審批。
約見後，女事主本打定輸數未能收回款項，但離奇的是，約十日後，該欺詐師竟真的開始分期退錢，拍片時，女事主已收回約15萬日元（7千5百港元）和舖頭業主的17萬日元（8千5百港元），該欺詐師承諾會在本月（12月）底全數退回200萬日元。港女估計，該欺詐師肯還錢，可能因為知道已報警，「可能佢唔想變成罪犯啩，總之佢有啲嘢驚……所以至還錢畀我哋。」
她提醒網民防人之心不可無，不要以為日本人不會騙人，而且經過今次事件，她才知道原來日本可以事後付款，減低被騙機會。
同場加映：少女離奇隔五米排開等緊乜？日本公園詭異畫面熱傳 真相竟令人心酸：↓↓↓↓
