出身於豪門的王賢誌（Vinci）昨日（16日）驚爆親自入稟高等法院呈請破產，他在社交平台留言說：「如果人生的不同階段就有如天氣一樣，肯定我將要迎接一段嚴寒的日子，不過對於未來，我必定不會放棄，繼續積極及堅強面對！謝謝！」消息曝光後，不少人對王賢誌呈請破產一事感到震驚，紛紛在發文下留言並為他打氣，深信「難關終會過去，雨過終會天晴。」
相關閱讀：王賢誌親證入稟申請破產：將迎接嚴寒日子 生於豪門爺爺王華湘及父親王忠桐為王氏港建前主席
王賢誌與伴侶周思聰（Kevin）相愛15年，兩人2016年8月宣布於加拿大註冊成合法配偶，娛樂圈首宗公開的同性婚姻。不過王賢誌曾公開表示鍾意過吳家樂：「我諗唔會唔知吓嘛，sense到嘅！」昨日吳家樂罕談當年被公開示愛的經過，對於王賢誌呈請破產一事，吳家樂說：「我之前都有少少消息知道。」
相關閱讀：王賢誌自爆曾喜歡吳家樂 結婚六年談出軌：大家同意就唔算
王賢誌入稟高院呈請破產：
吳家樂罕談當年被王賢誌公開示愛經過：
「50億駙馬」吳家樂昨晚在YouTube節目《娛樂好好玩》上，與主持江美儀和謝遜齊齊做節目，吳家樂稱兩人當年主持《K-100》而認識，江美儀即說：「所以你哋咪好friend囉！」吳家樂立煞有介事地說：「係『認識』接近超過20年，我哋係『同事』，你哋唔好將啲關係拉得太亂。不過我好欣賞呢個人做主持，佢記性好好，又有壓台感。」對於王賢誌呈請破產一事，吳家樂說：「聽到呢單新聞係有啲可惜，但係呢單新聞出得叫遲。雖然我哋唔係好朋友，不過都識咗好耐，亦都係同事，大家都有啲ws群組。喺疫情之後都有啲聚會，聽到少少佢喺出便都有啲『街數』，我覺得唔奇，因為佢始終係靠自己。」
吳家樂續說：「幾年前佢爸爸好似已經唔再幫佢找數，所以我相信搞呢個騷（仔仔一堂）都幾吃力，係咪就係300萬、400萬呢個數呢？肯定唔係。話晒大家都係同行，都唔希望聽到呢單新聞，希望佢盡快過度呢個寒冬。」
相關閱讀：王賢誌前東華主席父親罕露面受訪 稱得悉兒子性取向後有呢個反應
吳家樂太太周蕙蕙撞樣陳慧琳？
吳家樂重提被「公開示愛」一事
江美儀立即追問吳家樂被「公開示愛」一事，吳家樂說：「當時係佢幫自己嘅節目做宣傳，我冇睇過呢單報道，不過前一晚佢突然係咁whatsapp我，話有搵我，有嘢想同我傾，正所謂無事不登三寶殿，一定有陰謀，我當然唔聽住，跟住佢留言話『有啲嘢想同我商量』，嗰吓我即刻怯一怯，第六靈感覺得唔係好嘢，所以我冇覆佢。到咗第二日我睇到呢單新聞，好多傳媒send畀我睇，佢哋唔係問我回應，而係話好笑，咁都拉埋我落水。」
吳家樂認對被示愛嬲爆
吳家樂還說：「佢哋覺得我入行咁多年都冇呢啲新聞，擺明係有人想宣傳自己嘅節目，咁樣嚟送我一程，仲覺得咁多人唔講，搵我嚟講，直接啲講我都冇新聞價值，呢單嘢之後，係幾好笑，不過我真係嬲，嬲係講完呢單訪問先同我講，再加上我點會感覺到你鍾意我？搞着我，大家都唔信。就算宣傳，冇所謂，同我夾一夾，我唔得咪搵第二個。」
