西甲球巴塞隆拿（Barcelona FC）來港到啟德體育園獻技爆出羅生門。主辦機構「宏美廣告娛樂集團」涉嫌電郵截圖造假，聲稱啟德體育園拒絕申請，警方昨日拘捕一名與主辦方相關男子，消息指為宏美行政總裁黃浩霆。黃浩霆去年曾洽商收購免費報章《am730》，支付約100萬元誠意金，但支票「彈票」，令收購事件告吹。該報創辦人施永青今早(17日)接受電台訪問，透露黃浩霆辦公室為共享網公室，直言手法「低級、兒嬉」，並認為洽購《am730》是背後有人指使。
稱黃浩霆辦公室為共享辦公室：好似唔見得人咁
施永青表示，指洽商過程中一開始已發現「唔對路」，不過認為「佢幫我買嘢啫，佢畀錢咪賣畀佢，佢唔畀錢都無損失」。他稱覺得不對勁的原因是曾交排職員到黃浩霆公司拿取文件，但竟被告知不用上來辦公室，到樓下交付，「辦公室好似唔見得人咁」，最後一次開會交「誠意金」的支票，施永青才到黃浩霆辦公室，發現是共享辦公室；到交付支票時仍稱「要一陣先畀你」，但其後職員入票時，發現支票簽發日期「過期」。當要求更改時，黃浩霆竟指與銀行相熟，聲稱打通電話便可以接受，惟職員到銀行稱不接受有關的支票，亦未有更換支票。
估計背後有人指使：普通人唔會做一件遲早穿煲無信用嘅事
施永青又透露，黃浩霆洽購《am730》時，曾與部分傳媒人一同上來，又說一些他可能認識的人，「咩時候見過」；他估計「唔係自己想做，做呢樣嘢對佢無好處」，應該是受人指使，「普通人唔會做一件遲早穿煲，無信用嘅事」，相信有人給他好處。他稱「相信上次有啲報道，而家又有第二單」。他亦稱沒有追究他開空頭支票，要浪費時間去追討，「得不償失」，亦無謂跟這些人糾纏。
被問到會否就洽購《am730》彈票一事與警方合作，施永青指香港法例一單還一單，「佢已經咁可憐，我都無謂踩多腳」。至於黃浩霆有關巴塞隆來港到啟德體育園獻技事件，施永青指「佢係扮有實力，可以做一啲大活動，有資格辦盛事，佢嘅目標我就無謂猜估」，能夠最多起一時作用，一時作用亦很快會結束。
相關報道：
