兩名內地女子搭港珠澳大橋穿梭巴士（俗稱金巴），疑因小童太嘈，與該小童的港爸媽發生激烈口角，雙方由車上嘈至落車，各自拍片放上網公審對方，並互相指責遭歧視。
兩人公審對方的影片在小紅書及Facebook熱傳，涉事港爸媽攜有3名幼童，事發經過如下：
2內地女搭金巴大戰3孩港夫妻 嫌小童太嘈爆衝突 雙方互指遭歧視：↓↓↓↓
由2名內地女子拍到的約5分鐘的衝突影片，開頭聽到一名內地女子，以普通話向港爸媽表示：「這是中國！」港爸以普通話回應說：「中國，又怎麼樣？」該內地女子即表示：「就是要講普通話！」內地女要求這對港人夫妻說普通話，但他們未有理會，繼續以廣東話反駁指責。
這時其中一名內地女子，以廣東話指責這對夫妻「識唔識叫佢哋唔好嘈」，港爸即反駁：「你哋控唔控制到呢兩個？一歲咋！」內地女即表示：「咁你可以同佢玩㗎嘛。」港爸反建議兩名內地女子如果有錢，可以不搭巴士改搭兩地牌網約車，內地女反駁：「點解要我哋搭，你係咪歧視我哋大陸人？」
該港爸又揚言：「搭車係咪一定唔可以嘈？」內地女表示：「呢個係公共場合。」她又指責該港爸在巴士上以帶有歧視的說話，公開指責她們「你唔好講廣東話，講普通話啦」、「你哋返大陸啦」，「呢啲唔係歧視係咩啊？」
該港爸反駁說：「我無歧視過你！」他反激動地指責該兩名內地女子：「你又咪係歧視我帶小朋友出街咩！我帶小朋友出街，你又係咪歧視我啊！」他說：「我帶小朋友出街，點解要我哋唔好嘈呢？即係你先歧視我？我帶小朋友出街就有問題？」
同場加映：內地女新婚晒港阿伯送贈貴重金飾 因「撩狗」譜跨境忘年友誼惹哭網民：↓↓↓↓
其中一名內地女子即反駁：「我無歧視，你唔好帶我入套啦！」她強調，當然可以帶小朋友出街，但要保持安靜。但港爸反駁說：「車上有無寫著保持安靜四個字啊？無啊！」他更表示：「我同佢哋三個一齊去過泰國，一樣無問題！」
該港爸的妻子這時批評，兩名內地女子「話我哋無家教先」，其中一名內地女子這時以普通話說，沒有說她們沒有家教：「是說保持安靜，這是公共場所基本的素質。」
這時港媽激動地說：「唔該你哋睇吓可唔可以控制到一歲嘅小朋友，你哋睇吓可唔可以控制到！」她再激動地怒斥：「我已經揞住佢哋把口啦，你仲想我哋點啊！你講啊！你話我哋無家教先㗎！」
港爸又指著其中一名內地女子，指「如果佢唔係佢鬧我三次，我唔會出聲」，「你點樣控制呢兩個小朋友，你控制畀我睇吓！」這時被指責的內地女子，表示會向金巴投訴，要求看當時車廂內的監控視頻，港爸即反建議她們即時報警。
「唔通你叫一個小朋友唔好出聲，就唔好出聲咩」
另一段由港爸媽拍攝兩名內地女子的影片，約有近1分鐘，片中開頭聽到港爸反駁：「係邊個歧視邊個先呢？即係我帶細路你出街就有問題？小朋友就唔可以出街？佢哋就唔可以講嘢嘅？」其中一名內地女子即反駁：「無問題，你唔好帶我入套啦！」
另一段則聽到港媽反駁的聲音：「你見到我哋無控制咩？有無人見到我哋無控制啊？唔通你叫一個小朋友唔好出聲，就唔好出聲咩，唔好喊，就唔好喊嘅咩？」「你有無見1歲小朋友啊？你無生過小朋友就唔好咁話人哋啦！」被指責的內地女子沒有回應，只是拿著手機反拍。
有疑似該對港夫妻在網上留言解釋，「係果句無家教解發我哋去鬧翻佢哋」，「最後係佢哋將我哋全家人嘅樣放上網，我哋都同樣將佢哋放上網。」該對夫婦強調，當時在車上，「2個小朋友只係係幾分鐘內大叫，我已經嘗試揞住佢哋個嘴……又氹佢哋，抱住佢哋……我哋知成程車叫會好影響人，已經準備咗零食、玩具，但有時佢哋有時突然叫喊，要叫，真係唔係咁容易控制！亦唔可能係1分鐘內可以收到聲。」
網民指小事籲「算啦」：唔好嚇親啲小朋友
網民對事件反應兩極，有人撐內地女：「控制唔到D小朋友，真係唔好帶出黎。」「小朋友控制唔到我覺得冇問題，但個問題係個家長既處理方式同態度。」
有人撐港爸媽：「父母有勸阻小朋友已經盡左責任，大人都成日跳掣啦，何況細路。」「連嘢都未識講既小朋友，得果一兩歲，真係好難控制，做過人父母就知。」
不少網民認為只是小事，雙方不用大動肝火，「小小事大家都算啦！」「好煩啊，佢地仲嘈過小朋友啦，唔好嚇親啲小朋友啦，唔該。」
同場加映：內地女紅磡大排檔打卡 下身咁著「賺足回頭率」 網民：這搭配很猛！：↓↓↓↓
