43歲前港姐亞軍朱慧敏2021年嫁心臟科醫生老公陳良貴，前年10月誕下囡囡Shera，去年平安夜又宣布懷孕七個月。下月卸貨的朱慧敏依然身手靈活，至今仍堅持不請女傭，不過最近她多了一個14個月大的小幫手。昨日（11日）她在IG貼片，分享萌爆的女兒幫忙做家務。網民大讚Shera叻叻，更反問：「點解可以咁乖㗎？」
朱慧敏愛女是最佳拍檔
朱慧敏昨日更新IG，她簡單寫道：「最佳拍檔！」影片可見，身穿棗紅色連身衣的朱慧敏與女兒在家中的走廊，Shera看到一個白色洗衣籃時，朱慧敏說：「娃娃幫媽媽推，我哋洗衫喇！」Shera立即幫忙推洗衣籃。
相關閱讀：43歲朱慧敏懷胎7個多月現40吋巨肚無阻湊女 一歲聰明女行路勁穩 拍手騷節奏感
朱慧敏14個月大愛女做家務：
朱慧敏鼓勵女兒做家務
朱慧敏鼓勵Shera，大讚女兒做得好：「你睇吓佢幾乖，佢就係由我個衣帽間攞咗個洗衣籃，一路推推推推，推到去廚房門口，之後佢就見到我洗衫喇！多謝你啊！」接着朱慧敏又拿出抹地紙問Shera：「點樣抹地啊？點樣幫媽媽抹地啊？」Shera拿去抹地紙即彎着腰抹地，Shera向前抹了幾下，朱慧敏便笑說：「平時媽媽係咪咁樣抹地，係咪呀？」朱慧敏看見Shera走向鏡頭前，即從後攬實Shera說：「唔該晒你啊！多謝你啊！最佳拍檔，唔該晒！」Shera開心得笑到見形唔見眼，朱慧敏更錫鍚女兒，並說：「我好多謝娃娃，你睇，佢只得14個月大，佢又抹地，又幫我攞衫去洗，我好多謝肚裡面嘅BB啦！因為我覺得佢好強壯，我日日都咁樣郁，又煮飯……」
相關閱讀：43歲朱慧敏懷孕7個月晒巨肚 急增22磅長胎唔長肉 手腳靈活單手抱女兼自拍零難度
朱慧敏婚後生活美滿：
網民大讚Shera叻女
Shera除了做家務叻外，朱慧敏又問她的頭部、頭髮及腳在哪裡，Shera都一一答對，網民在帖上大讚Shera叻女，「真叻叻，手腳協調得好好」、「太可愛，好叻女」、「點解可以咁乖㗎？」、「SheRa好聰明呀」、「果然有你們優良遺傳」、「好用心的好媽媽，幸福的孩子」、「超級叻女 身教的表現 教育極好」。
相關閱讀：43歲朱慧敏宣布再度懷孕！陀B七個月公開私藏速孕秘方 囡囡一舉動勁窩心
