屋邨幼稚園驚現「BB車龍」掀議 網民：細路對腳用嚟裝飾？家長：生過仔先會明｜Juicy叮

有網民昨日（11日）在屋邨幼稚園門外，驚見泊滿長長的「BB車龍」，他將奇景照在網上分享掀起極大迴響，樓主問：「細到唔識行？」有網民亦奇怪：「呢個年代好多細路對腳都係用嚟裝飾？」但不少家長留言反駁：「生過仔先會明，小朋友扭計要抱抱，車車係恩物！」

有家長指出：「當你湊住一件2-3歲…又要去買餸，買日用品，又怕佢瞓，BB車係救命草來。」事件掀起熱議如下：

屋邨幼稚園驚現「BB車龍」掀議 網民：細路對腳用嚟裝飾？家長：生過仔先會明↓↓↓↓

樓主昨日（11日）在社交平台Threads發帖，分享一張屋邨幼稚園門外，泊滿長長的「BB車龍」的照片，該「BB車龍」靠著幼稚園的牆邊一前一後，秩序井然地排列，車內無人，估計為家長暫泊門外，可能在等小朋友放學時使用。

樓主在相中寫著：「我真係唔識，泊滿晒車車B。」他在帖文中表示：「常態？而家返幼稚園的人太細？細到唔識行？」

家長：BB車有實際需要 籲要有同理心

帖文引發熱烈迴響，有育有一女的網民表示：「呢個年代好多細路對腳都係用嚟裝飾，小學仲坐BB車返學都唔少啦……」有網民表示：「喺地鐵見過5、6歲小朋友坐BB車！仲唔只一次。有時諗，而家啲小朋友真係矜貴。」

不過，不少家長留言呼籲樓主及持批判意見的網民要有同理心，BB車對於家長接送幼稚園小朋友有實際需要：「一咁講就知你一定無小朋友，完全無同理心，唔阻到人有咩問題。」

同場加映：搭巴士拒收BB車鬧司機有病 車長一招霸氣收伏女躁客 網民激讚：應該係咁！：↓↓↓↓

女躁客拒收BB車鬧司機有病 車長一招霸氣收伏

有網民上周六（9日），在「大埔 TAI PO」FB專頁發帖，講述目睹乘客與司機衝突，成為網絡熱話。

涉事為九巴73X巴士，來往大埔及荃灣。

該帖文，附有疑為事發時照片，見到傍晚時分，一架73X巴士，停靠在巴士站。

發帖網民自言，「等巴士全程目到（睹）」經過。

當時，有女乘客攜帶BB車上車。

該網民形容，女乘客為「普通中年阿嬋（嬸）」。

巴士司機要求她摺好BB車。

但是，女乘客拒絕，「唔肯收起BB車。」

「九巴乘客須知」第12條列明，為保障車內乘客及行車安全

「攜帶嬰兒車的乘客，須抱起嬰兒，及把摺妥的嬰兒車，放於合適位置。」

須知又列明，車長有權，向乘客發出為公眾安全著想的指示。

但是，發帖網民指，該女乘客，未有聽從車長指示，收起BB車。

女乘客更「辱罵司機有病」。

面對女躁客囂張不合作，車長「即時要求所有乘客落車，唔開車」。

發帖網民形容司機「霸氣」，又指「司機玩嘢」。

不過，絕大部分網民留言力撐司機，指他為乘客安全著想拒開車，「做應該做嘅嘢」，值得表揚。

事件後續如何？發帖網民未有回覆，但有該巴士上，其他乘客留言，交代結果。

該乘客的版本與發帖網民略有出入，指侮辱司機的是與女乘客同行的中年男子。

他說，女乘客抱住小朋友，同行中年男子「唔肯幫手收起BB車，之後，一邊鬧司機，一邊收車」。

「司機比人鬧完，熄匙停車，之後，全部乘客落車（包括中年男人）。」

「男人落車後，司機話可以再開車

男人就話『咁我就上返車啦』，司機見到佢上嚟，就話唔會開車。」

「大結局就係男人冇上車，大家（包括女乘客及BB）原車走。」

該網民指，是同行男子罵司機，女乘客當時是罵同行男子「有病」。

網民力挺巴士司機「拒開車」的做法，指如當時在場，「願意搭下一班車」。

很多網民又不滿樓主形容「司機玩嘢」，「你都有問題！司機邊度玩嘢呀？」「佢（司機）無做錯。」

有網民分享經驗，上巴士前，可先用孭帶孭BB，摺好BB車才上車，上巴士後才摺車會較麻煩。

不少網民指，辱罵司機，既違法，亦影響司機駕駛情緒。

據《公共巴士服務規例》第230A章13A，乘客若故意阻礙或干擾巴士的操作，或辱罵車長，均有可能違法，最高可判處罰款5千元及監禁6個月。

網民：有N班呢樣嘢 唔好成日咩嘢都網絡公審

「唔好話N班，有K1嘅細B小朋友，放咗學會攰，再者人哋屋企未必住到同幼稚園咁近嫁，攰起上嚟阿媽要抱住又拎書包，好大機會買完餸等小朋友放學，有架車除咗比小朋友瞓吓覺，大人放下嘢，唔好成日咩嘢都要網絡公審啦。」

「當你湊住一件2-3歲…又要去買餸，買日用品，又怕佢瞓，BB車係救命草來。」「小朋友放學返屋企眼訓，你有冇試過抱10幾20kg米行返屋企？仲有好多係屋企長輩照顧呢。」「同埋你知唔知有N班呢樣嘢，得2歲幾放學仲會恰眼瞓，拎架BB車俾佢瞓覺係咪都阻住你？」

「做人要有同理心同底線」

「唔好講笑，我細女就嚟4歲放學，我都會拎BB車，我接完放學買嘢，又唔怕佢要我抱，去遠啲去足全日，我都會帶車，真係吓吓抱到咁耐咩。」「做人要有同理心同底線，呢個世界唔係全部人都係supermom，同完美小孩，亦都有好多自閉兒童需要坐BB車，呢D細路有權利接受教育。」

「生過仔先會明，小朋友扭計要抱抱，車車係恩物！泊係到又可以當排隊，趁呢個時候去隔離街買菜，返嚟接放學十分完美。」

同場加映：沙膽女BB車推細路巴士前「散步」 車長要「咁做」先返上行人路↓↓↓↓

沙膽女BB車推細路巴士前「散步」 車長要「咁做」先返上行人路

有網民在「車cam L（香港群組）」FB專頁分享驚險一幕。

樓主在帖文中未有交代事發地點，但從照片看到，當時應在晚上。

事發時照片有兩張，一張看到該女子用BB車推一名小童

走在雙黃線的馬路上

她只朝前看，完全未有為意身後有巴士即將駛至。

另一張照片，看到一輛巴士已駛至女子身後

但女子仍未有打算走回行人路

繼續「懶理」貼身在後的巴士，推BB車在馬路上「散步」

估計車長這時以慢駛避免發生意外。

樓主在帖文中表示：「小姐你想去邊，喺雙黃線嗰度開始畀巴士推到落路口，」

「嗌到最後先上返行人路。」

不少網民批評該女子不顧危險，竟攜同小童在馬路上行走。

網民：「想去閻羅殿找閻羅王睇生死薄！」「佢想同個細路一齊上路？」

網民：「係咪搏賠償。」「痴筋！當條路佢架？」