「明星足球隊」近月傳出多項傳言，有指現年74歲的陳百祥（阿叻）和同為74歲的譚詠麟（阿倫），因陳百祥另組「精裝明星足球隊」而反面，事件引起全城關注，早前又有網上節目頻道爆料，指球隊北上時曾經得罪黑社會，又有成員於內各不同地方包養女朋友，鄧兆尊和吳家樂於網上節目《娛樂好好玩》中，就回應上述傳聞。
鄧兆尊爆料隊中真實情況
於網上評台爆料、自稱是明星足球隊成員的名叫B仔，同為明星足球隊成員的鄧兆尊和吳家樂就指沒有聽過，亦打趣說曾經想找出此人，最後始終找不到。而鄧兆尊和吳家樂，就指上述爆料全非屬實，其中指於廣州夜場得罪黑社會，得「韓賓」去擺平事件，鄧兆尊表示曾問「韓賓」尹揚明，對方就表示沒有發生此事。鄧兆尊更指「就算有呢啲情況發生都唔會知，坦白講我哋（和吳家樂）喺入面都唔係好Top嘅人，係𡃁仔，啲大哥有咩私底下出去玩我哋係唔會理，亦冇資格去理。」
相關閱讀：「明星足球隊」遭爆秘聞？躁狂男星醉酒得罪廣州黑社會極兇險 有成員內地一個地方一個女朋友
明星足球隊被爆秘聞：
鄧兆尊指「包養女友」不合理
另外被指於內地各地方都有紅顏知己，鄧兆尊就表示明星足球隊去的地方，大多數一年只去一次，甚至是只去一次，所以指每處「包養女友」做法是不合理：「一年去一次幫人養呀？下次去唔知幾年後。呢個唔乎合經濟原則，下次去唔認得啦。」更講笑話由陳百祥領軍的精裝足球隊相對比較年輕：「睇人腳計喺嗰面發生機會大好多」。此外鄧兆尊指曾志偉偶然會帶隊唱卡拉OK，但只為中場表演的隊員練歌，指並沒有叫「女仔坐枱」，但鄧兆尊之後表示「正所謂單嫖獨賭，聽過未。」，十分搞笑。
鄧兆尊爆阿倫阿叻私下離隊
鄧兆尊之後爆料，指見過譚詠麟和陳百祥真的試過私下離隊，「有次真係開小組會議，聽到阿倫或阿叻喺側邊講：『嘩，陣間出去食野味』。我同彭健新一齊，佢話：『有古惑佢哋咬耳仔』，我問：『咩事』，跟住就跟住佢哋。好似拍戲咁，睇住佢哋靜雞雞上咗車，然後我同彭健新坐的士，跟住前面架車，我話唔去，彭健新話『唔怕睇吓啫，睇吓冇事』。」跟蹤到最後終於停車，鄧兆尊表示：「一間大屋好似別墅，門口掛住隻孔雀，有條鐵鏈綁住兩隻孔雀喺門口，行咗入去真係食野味。」
相關閱讀：中年好聲音3決賽丨譚詠麟對賽果有「微言」？8字評論季軍劉洋 愛將趙浚承7強止步有呢個反應
譚詠麟谷「老六兄弟」撼阿叻：
