在辦公室「撞飯盒」撞出一段雪櫃情緣？有帶飯的男同事食錯女同事飯盒後，竟然有下文。網民靜候甜蜜佳音之餘，也各自大爆公司茶水間的八卦逸事，當中，有人放於雪櫃內的大蛋糕慘遭粗暴直擺，可以想像內裏的崩潰情況。詳情見下圖及下文：
男同事食錯女同事飯盒竟有下文逐張睇 網民爆茶水間八卦逸事↓↓↓↓
男同事立即約女同事食飯
樓主本月5日在社交平台Threads以「辦公室日常」為題發帖，講述一段可能出現的辦公室雪櫃情緣：
「有日，帶飯的女同事發現雪櫃盒飯唔見咗，應該話，入面啲冷麵消失咗，得返一個洗乾淨的空盒。於是她在公司的千人大谷，半講笑問，係咪有人太肚餓，食咗。
隔籬部門一位唔識的男同事跳出來，承擔責任，公開道歉，話個飯盒款式一樣，大意地『食錯咗』。佢好有誠意，立即約返女同事食飯，亦親自煮返盒冷麵俾佢 。
我地暗暗為呢段飯盒情緣打氣，密切留意，希望佢哋有下文。
話口未完，同一位女同事有盒食咗一半的藍莓放在雪櫃，今日（6月5日）打開時變成一盒全新的藍莓。上面係另一位唔識的同事留低張note （筆記）話：唔小心整跌咗嗰盒，所以買返盒新嘅俾佢。
同事驚嘆，公司原來有一個很多故事的雪櫃，大家可以Del（刪除）晒啲交友App 了。今日開始，每日帶飯！」。
有網民在事件上看出了陰謀，留言：
•網民甲：飯盒個樣可以差唔多，但一開就知拎錯咗啦，仲可以食錯？？好明顯想溝人啦。
•網民乙：我成日帶飯，點解都無呢啲艷遇⋯⋯
•樓主：明明我成日帶飯，都無呢種事發生過嘅～
•網民丙：我試過放屋仔奶喺雪櫃被同事飲咗，搵到元兇後佢都剩係答「係呀，我飲咗」，個故事就完咗。盒奶仲要寫晒名都有人飲；
•網民丁：其實只要夠靚，跌筆都識到。我前同事就係搭Lift（升降機）跌咗枝筆識咗幫佢執返枝筆嘅老公（PS.（補充）女同事勁靚，佢老公都高大靚仔）。
相關閱讀：雪櫃裏的風波 打工仔貼勿疊飯盒Ｍemo紙 網民睇唔過眼7招KO自私精
網民大爆茶水間逸事
另有相似經驗的網民，講述耳聞目睹的「食錯飯盒」事件：
•我以前間公司都有類似事發生，人夫同事叮錯咗女同事個飯盒食，個女同事喺Office行咗幾轉先搵到個犯人，最後人夫同事買咗個飯俾女同事；
•我公司都發生過，有個女同事食錯咗另一個同事嘅飯盒，食到一半另一位唔見咗飯盒嘅同事周圍搵個飯盒先知道原來俾人食咗，之後食錯咗人哋個飯盒個女同事話：食食吓都覺得有啲奇怪， 點解今日個飯盒特別咁好食，原來係食咗人哋阿媽煮嘅餸。
有網民更加上載相片佐證，顯示茶水間的雪櫃亂像：「我以前都試過比人食錯飯盒，望到真係笑鬼死」、「我公司淨係得將人放個蛋糕打直擺嘅同事」。
相關閱讀：職場無真心？ 中年打工仔返工唔想交際 網民7字真言附和
還有不少網民排隊大爆各自公司內的茶水間逸事，件件古怪，宗宗新奇：
•我比人偷咗雪糕嚟食到而家都唔知邊個；
•我以前見過最經典係食咗人個生日蛋糕；
•我公司有同事試過飯盒入面隻雞髀無咗得返白飯；
•曾經有同事喺雪櫃拎飯出嚟叮嗰陣，發現個飯盒俾人食咗一半；
•我以前公司試過湯比人飲咗一半，飯盒比人食晒啲餸得白飯！當然無人承認責任；
•我妹妹話佢同事Pump（泵）咗樽人奶，放咗喺雪櫃，之後唔見咗，佢懷疑有人當花奶用咗；
•試過有同事放可樂在公司雪櫃，Pantry（茶水間）阿姐都知道，有日某經理打開雪櫃攞人哋罐可樂，Pantry阿姐好心提佢係某同事的，經理豪氣地喺褲袋拎咗100蚊出嚟話：我買咗佢；
•話說十幾年前，我公司有同事沖咖啡鍾意加脫脂鮮奶，跟住佢就自己買咗屋仔脫脂奶貼埋自己嘅名放喺雪櫃，其實一直都無嘢發生。但有一日佢好嬲咁拎住盒奶問，邊個偷飲佢嘅奶，咁啲同事就問你點知有人偷飲，佢就話上面開口處有個紅色嘅唇膏印喺上面；
•我公司Office（辦公室）無過千人，但都試俾人偷乳酪、鮮奶、朱古力、雪糕、盒裝罐裝飲品，寫名都無用，耐唔時就會有相熟同事講又俾人偷嘢食，試過有人買叮叮點心做Lunch（午餐），到Lunch開冰箱成包無咗。同HR（人事部）反映，HR只係會話「係呀？係咪你自己食咗記錯咋」；
•我公司有3個雪櫃，近排帶飯番工，點知打開雪櫃A滿滿的蘋果塞滿成個雪櫃，仲有陣蘋果味。打開雪櫃B入面係啲搵報紙包住嘅菜，同樣都係打爆咗，仲要係一開就跌出嚟嗰款。最後打開雪櫃C入面塞滿晒紅白酒同香檳。終於明點解隔籬房嗰team（組）人會自費買個私家雪櫃，仲要擺喺Team Manager（組經理）個位隔籬。利申：3個雪櫃都係比同一個人塞滿晒嘢。
原來還有人放與食物無關的東西入雪櫃，有網民自爆：「試過打開公司雪櫃見到有份文件，變咗順豐櫃……」、「我以前公司試過有人擺件冷衫入雪櫃，大癲！」。
資料來源：etetemily＠Threads
相關閱讀：49歲女同事日日撩人夫 旁人公開對話：呢句算唔算「性暗示」↓↓↓↓
有網民在社交專頁發文大吐苦水，公司有49歲女同事日日「姣撩」已婚男同事，樓主公開對話內容，坦言「日日被迫睇呢啲場面真係人都癲」，網民對於女同事撩人夫的說話，有否「性暗示」引發討論↓↓↓↓
「開洗衣機」都係性暗示？「心姐」謝雪心分享有趣性暗示↓↓↓↓
「搖頭」「眨眼」點藏性挑逗？TVB女藝人示範性暗示動作↓↓↓↓
「MBA」唔係學歷咁簡單！交友APP性暗示術語唔講唔知↓↓↓↓
