有港女北上內地按摩首次遇到「碰瓷」情況，她指：「幫我按摩個技師話，已經唔係第一次有人咁樣屈錢」。
她直擊現場實況如下：
港女北上揼骨首遇碰瓷：「技師話唔係第一次有人咁樣屈錢！」↓↓↓↓
該港女在社交平台Threads發帖表示：「冇諗過第一次返大陸揼骨過夜，就親眼見證到大陸人碰瓷。」
她拍下涉嫌碰瓷的女子，當時躺在地上，旁邊則圍著一些職員及顧客，樓主指出，該躺在地上的女子「係咁屈人哋地下有水跣親佢」，但現場「明明個地下乾到拖鞋行路都有聲」。
樓主又謂，女子躺在地上，聲稱其腳部跌斷，「不停要求啲職員賠錢，話要告呢間公司，搞到佢跌親跌斷咗隻腳」。
聲稱跌斷腳 聞叫救傷車即「扭扭擰擰」
現場有職員表示「佢call白車，佢係咁扭扭擰擰，又發癲叫啲員工賠錢」，其後有職員拿了「個枕頭畀佢攤」，而該女子的朋友「又拎咗兩條毛巾幫佢冚住，話驚佢凍喎」，樓主笑言：「唔知係咪佢骨頭太脆弱，輕輕仆一仆就斷腳。」
樓主是頭一次遇到按摩有人碰瓷，她說：「頭先幫我按摩個技師話，已經唔係第一次有人咁樣屈錢，通常都係屈啲技師整傷佢哋，然後迫啲技師賠錢。」
不少網民留言估計該女子想博店家「免單」：「就係想免費入去玩」、「免單直接就蹦跳起來了」、「試下攞疊錢出嚟睇下有無奇蹟出現。」
來源：kaying.jai＠Threads
同場加映：港女北上蓮塘按摩誤入黑店 慘痛經歷提留意「水牌」一特徵：「睇下有冇ＸＸＸ先好入去！」↓↓↓↓
