受風暴「丹娜絲」殘餘影響，本港昨日（9日）和今日（10日）連場暴雨。粉嶺港鐵站外，連接通往前去蓮塘口岸巴士站的長長有蓋行人路，上蓋在本港廣泛地區大暴雨後，今早繼續下起局部小暴雨，天花水長流。詳情見下圖及下文：
粉嶺站轉車站 連接蓮塘口岸巴士有蓋行人路 暴雨後天花水長流逐張睇↓↓↓↓
樓主今早上載港鐵粉嶺站轉車站有蓋行人路下雨奇景短片，指「噚晚紅雨完，起唔夠兩三年嘅雨篷可以咁樣漏到倒水咁，好多位置都係咁樣，估計過多一排同樣位置全部都會漏……」。樓主在回應欄補充：「呢個係開蓮塘口岸時起嘅，蓮塘口岸兩年前開放咋」。
有人應和回應指「要跟進」、「起個頂用來擋雨，唔漏水係基本要求」、「都唔止呢度好多都漏水，但都有機會太大雨去唔切」。樓主回應稱：「係呀，勁嬲，當初都好多人投訴起到高高咁好難擋雨擋太陽，而家仲要漏到咁」。
網民力撐平實遮風擋雨上蓋
有見及此，其他回應的網民反而力撐平實的遮風擋雨上蓋：
•仲衰過啲鐵皮篷；
•外觀唔好睇但實用；
•設計愈多愈唔實用；
•舊式巴士站嘅全石屎咪好地地（例子，淘大隔離）；
•其實簡簡單單用閘板做頂咪幾好，又平安裝又簡單又唔會漏水。
還有人突破盲點，估計「可能個頂應該俾樹葉塞咗啲去水位」、「係無花錢保養」；另有人幽默地曲線批評「依個係整嚟擋太陽㗎」。
資料來源：yorkei04＠Threads
相關閱讀：紅雨來襲屯公一片模糊 司機緊急救援全程開死火燈引路 後車司機大感激：大雨到完全睇唔到線↓↓↓↓
風暴「丹娜絲」採反「Ｖ」字的回力標走勢，臨門遠離香港後，再使出一記「回馬槍」，殘餘近日又重臨香江附近。天文台分別於昨日（9日）深夜和今日（10日）需發出紅色暴雨警告。暴雨下本港天色暗陰多區連場大兩，部分地區更是橫風橫雨。在屯門公路，有司機在夜深的紅色暴雨下做出守望相助的好人好事，引起「暴雨下開死火燈引路」正反兩派網民的熱烈討論。詳情見下圖及下文：
紅雨來襲屯公一片模糊 司機緊急救援全程開死火燈引路 後車司機大感激逐張睇↓↓↓↓
網民直擊多區暴雨情況
另外，深夜暴雨期間，新田公路（往元朗方向）近模範鄉全線一度封閉。受影響巴士路線須改道行駛。有網民以「又紅雨大家番屋企小心」為題，在社交平台Threads上載新田水浸馬路的短片發帖。有網民驚訝「嘩！浸得咁犀利」、「好似係海入面咁~」、「師兄揸緊船？」，有人形容為「陸上渡輪」。還有不少網民上載暴雨下橫風橫雨的短片，直擊本港多區的暴雨情況。
資料來源：yan_.0.6＠Threads、toto_tongpuiyee＠Threads、cynthia.c3c＠Threads女_dewai068＠Threads、ced_feiv3015＠Threads、tommylitml＠Threads
相關閱讀：天文台最新消息｜因應天氣發展 教育局宣布7月11日所有日校停課 同日中一入學註冊順延至下周一
相關閱讀：教育局暴雨颱風停課安排：中小學幼稚園最新指引一文睇
