一名女子早前乘車經過佐敦時，嚇見一輛泊於路旁的貨車車尾上，有一名光頭大叔在掛直，正在吊吊揈施展絕技。女子越望越欣賞，不禁衝口而出「嘩！好勁阿叔！」。詳情見下圖及下文：
「翻版羅家英」貨車尾掛直 馬路邊吊吊揈咁樣曬絕技逐張睇↓↓↓↓
連做10下引體上升
樓主早前在社交平台Threads以「民間高手」為題上載短片發帖，片中穿粉紅上衣、格仔短褲和著水鞋的大叔，雙手抓著車斗金屬架，如玩
單槓般做引體上升。
在12秒長的短片中，總共做了約10下，下下有心有力，虎虎生威。車上女子不禁由衷讚嘆：「嘩！好勁阿叔！」，接著一把男聲附和「真係呀」。
有網民似乎認出片中人，指「紅磡街市，Ｘ生，年紀都唔細，好鬼勁」；至於現場，也有人認得是佐敦吳松街一帶；另有人單從短片，覺得大叔外形「勁似以前喺火車嘈交嗰個翻版羅家英」。
相關閱讀：黑超筋肉人扶實車廂呢個位 坐空中無影凳 網民期待見到這一幕……
網民：架車就係健身室
對於這位在路旁一展身手的大叔，網民大都誇讚一番：
•堅；
•勁；
•好腰；
•好正；
•好健康；
•阿叔好堅；
•阿叔好勁；
•阿叔有料；
•真的漢子；
•好有喜感。
有人笑說「無處不健身 」、「『高手從不抱怨環境』的真實演繹」，並代阿叔發言：「使Ｘ俾$去造占（Gym，健身），架車就係占room（健身室）」、「駛乜俾幾百蚊買健身會籍」。
有知機的網民進一步估計，「體力勞動收工之後做啲舒緩運動有機會真係好啲嘅，我眼見好多地盤佬收咗工都走去做Gym（健身），問佢哋咁chur（急迫）掂唔掂噶，佢話唔做仲大鍋，唔係呢度痛就嗰度痛」。
網民擔心唔小心跣手跌落嚟
另有網民則提到「平時經過見到公園啲呀叔好Ｘ勁」、「噚日行過公園，有個阿婆也是這樣，人人也驁佢出事，叫小朋友行開啲」、「我平時喺公園見到啲阿伯做引體上升，真係做到好多下，勁過好多後生仔」。
不過有小心謹慎的人卻好心提醒「失手在陰間」、「唔小心跣手跌落嚟撞到條腰或後腦應該後悔一世」。
資料來源：jasper._.ccy＠Threads
相關閱讀：港鐵職員車廂狂做掌上壓 1分鐘做73次引關注 港鐵回應事件↓↓↓↓
網絡熱傳影片，有港鐵職員在車廂中狂做掌上壓，該職員以座椅為支撐，1分鐘內做了73次之多，引發網民關注熱議，港鐵回應表示會按既定程序作出跟進↓↓↓↓
