大熱天時，新蒲崗兩名壯漢被拍攝到穿著「羽絨」夜行，嚇得網民以為自己眼花。但原來「羽絨」 內藏一件勁消暑物品，獲力推為對付極端酷熱天氣的神器。詳情見下圖及下文：
新蒲崗兩男大熱天時著「羽絨」 內藏1物勁消暑逐張睇↓↓↓↓
網民：夏日標配
樓主昨日（26日）在社交平台Threads上載短片發帖，指「而家手持風扇仔點可能夠涼，內置風扇，打敗99%夏天嘅香港人」，並自嘲一番「笑死，今日先知有啲咁嘅嘢」、「我聽到啲聲先望一望，第一次見」。
片中兩名男子正在大有街一帶等候過馬路，兩人均穿短褲和人字拖，上身分別著有一件綠色和灰色的脹卜卜背心，衣服腰間位置，裝有像紅色風扇般的通風位。
有回應的網民笑言「我第一次見到時以為咁熱仲有人著羽絨」、「成日喺街見到人著都好想買件嚟試下」。有識貨的人回應指，這是「夏日標配」，自爆「用緊，正」、「我用咗都兩年」、「我而家出街都著」、「我有件有4個風扇」、「有新款的可以半導體製冷」、「我都有一件白色，真係好正」、「呢個有名堂㗎，叫風扇衫，有埋背心款添」。
相關閱讀：公屋男8扇怪陣抗炎夏 慳電至上？ 網民力薦最強「吹漲」消暑神器
網民：買超級大size先吹得脹
還有人提共使用心得，稱「已經用緊21v 4風扇，啲風勁到衣領都吹到係咁郁，36度大太陽同倒水都唔怕，因為件衫吹起咗掂唔到皮膚，入面不停吹入去嘅空氣做到隔熱隔水，效果一流。同埋記得買xxxxL，件衫太細嘅話吹唔脹，超級大size嘅先吹得脹」。
還有網民上載相片和應「好爽」、「真係好正㗎」，形容為「係地盤佬恩物」、「香港地盤工人必備！！！！」、「好多職安真漢子都有呢個裝備」，因為好比「自攜冷氣」、「好耐啦呢啲嘢，你望下啲地盤戰士好多都著」。
有網民嫌運作時嘈吵
不過，也有網民批評送風時機件運作較嘈吵——「好嘈」、「太嘈了」、「嘈到Ｘ街」、「呢件嘢嘈到死，噪音污染」。
有人好奇「著多件背心唔係更熱？ 仲變泡泡人咁」、「個個著到米芝蓮咁款」。另有人建議「咁樣著件tee再加件重衫連風扇，直接一個掛腰風扇吹皮膚仲爽啦」。
還有人忽發奇想「唔知道如果一個身輕如燕嘅人著呢件衫，再加大馬達，有冇可能識飛？」。
資料來源：babeytov＠Threads
相關閱讀：酷熱天氣出奇招！屯門食店播「電風扇畫面」解暑 店家直擊女食客有「離奇反應」↓↓↓↓
天氣酷熱，有屯門食店出奇招，在店內大電視播放「電風扇畫面」，幫助食客解暑，店家更直擊有女食客「阿姨」的離奇反應，引發網民熱議↓↓↓↓
