有網民搭港鐵時，目睹有阿伯逼一名內地女生讓座，該女生懷疑因此受委屈哭泣指阿伯歧視，由同伴加以安慰，事件原本以為以阿伯成功奪取座位告終，卻出現逆襲結局，令人意外，目擊網民以電競術語形容：「阿伯受到技能沉默，無法反擊。」
阿伯港鐵逼讓座罵哭內地女生 逆襲後續令人意外 目擊者：阿伯受到技能沉默↓↓↓↓
有網民在社交平台發片發帖講述事件，他指該名阿伯以粗「Ｘ」該名內地女生，指該女生「唔肯讓座」，該女生其後企起身。
樓主拍到現場影片，可見背向鏡頭的長髮女生，不時身體抽搐，懷疑因感委屈而哭泣，女生的女同伴則以手輕拍其肩膊安慰。
手執行李、戴著口罩的阿伯則安然坐下，一臉冷漠，該座位並非關愛座。樓主表示：「當時其實好似關愛座都係吉的」，「之後女仔喺度話佢歧視佢同埋好多其他嘢」。現場局面以為已經完結，「本來以為阿伯獲得1分」，但這時，坐在側面的一名戴AirPod男乘客，疑看不過眼突然起身怒罵阿伯。
網民：阿伯「見勢色唔對即刻笠水」
片中可見AirPod男爆粗怒斥阿伯：「……戇Ｘ，Ｘ你老母呀！你有得坐就坐啦，講咁多嘢！嘈Ｘ住晒！」
AirPod男指罵阿伯，阿伯則全程默言，不敢作聲，AirPod男這時走回自己座位，又向阿伯喊道：「嗱，畀你坐呀！你坐唔坐呀！關你Ｘ事咩，人哋讓唔讓，人哋都無開聲！Ｘ你，嚇Ｘ人哋呀！」
阿伯依然不敢出聲，AirPod男再怒罵：「Ｘ你坐呀，坐唔坐呀，瞓ＸＸ嚟坐呀！」
樓主以電競比賽評論員口吻形容賽果：「AirPod男睇唔過眼之後，Ｘ返個阿伯轉頭。阿伯：受到技能沉默，無法反擊；Airpod男：mvp（Most Valuable Player最有價值的玩家）。」
網民紛紛留言指斥該阿伯「淨係識恰後生女」，大讚Airpod男見義勇為：阿伯「見勢色唔對即刻笠水」，「好舒服，聽咗三次，個女仔疑似喊緊？個fd係咁拍膊頭安慰佢。」「Airpod男做得好，最憎恃老賣老。」「廢老乞人憎就無得駁，阿叔都係見女女先出口。」
來源：letsgourrrreat＠Threads
同場加映：港女手術後搭港鐵遭阿婆逼讓座 拍打女事主手部不斷罵：「我有交稅你有無？」女事主咁回應惹議↓↓↓↓
