張致恒（Steven）和老婆區燕雯（雯雯）從婚前疑「一腳踏五船」、「四年抱四」再因欠債、離婚消息，一直都是網民的談論話題。雖然近日在張致恒考獲「平安卡」地盤做「職安真漢子」，不過因開工不足而有改善生活，日前又開PＯ問：「認真想問下有無人可以幫幫手。」今日（1日）雯雯又開PO，今次因一件事疑似向「債主」炮轟！
相關閱讀：男星兒子呼吸困難入院！被老婆出Po炮轟 曝光冷血言論：仲有呼吸咪得
雯雯疑似炮轟「債主」：
自從與張致恒結婚後，雯雯因為財困問題而頻頻在網上數臭老公，雖然多次表明要離婚，但次次只是「得個講字」，結果被網民諷為「離婚KOL」，而且更被質疑誠信。雯雯今日（1日）又發功，再度在IG限時動態連環出Po炮轟「債主」，狂呻被人追數追到逼埋牆：「最窮、最折墮，面臨冇屋住、冇飯開，生存唔到時，已經最乞丐，你要我哋還錢可以直接講，但唔係用啲咁嘅手段，當初你自願主動幫我一家無限感激，但你用咁嘅手段，一家嘅食飯錢都畀你呃埋！祝福你好好過！」
張致恒打工生活份份做唔長？
雯雯強調非逼到埋牆「冇人會出嚟乞」
接着雯雯又再出PO：「唔係逼到埋牆，冇人會出嚟乞，5年，我真係好攰好厭！」之後再又爆有輕生念頭：「如果有人可以令我放心，放下小朋友，你估我唔想去搵肥妹（已故愛狗），我真係好掛住肥妹！」不過雯雯與網民玩你問我答，有人問：「點解唔拎綜援？有需要點解唔拎？」雯雯只說回應：「個個都問，拎到拎咗。」不過雯雯很快將發文刪除。
防止自殺求助熱線：
「情緒通」精神健康支援熱線：18111
香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線(多種語言)： 2896 0000
東華三院芷若園： 18281
醫管局精神健康專線： 2466 7350
賽馬會青少年情緒健康網上支援平台「Open 噏」：http://www.openup.hk
其他文章：
張致恒細仔一歲生日晒全家混亂合照 變瘦嘆辛苦但好過唔知為乜生存 自豪天樂混血樣最相似
