MIRROR成員陳卓賢（Ian）今日（3日）於尖沙咀舉行《IAN CHAN “TEARS” IN MY SIGHT SOLO CONCERT 2025》記者會，獲60名Hellosss到場支持，會上宣布Ian會於2025年到倫敦、墨爾本、悉尼、澳門舉行巡迴演唱會，他指可開巡迴覺得受寵若驚，認為這是難得機會將這個騷帶到不同地方，是值得開心的事，又透露每個地方都有地區限定，也會唱新歌，笑言對今次開騷自己表面雖冷靜但內心其實很興奮。
Ian未知香港站會否請AK
Ian受訪時表示現階段還未知道巡迴演唱會舉行的時間和地點，但預計會在2025年頭開始，如場地能配合，可能會去更多地方：「都有粉絲想我去美國同加拿大，希望可以再帶多啲驚喜畀大家。」提到7月香港站時請來隊友兼好友Anson Kong任嘉賓，問Ian今次會否邀請對方？他就表示未知，又指MIRROR其他成員也有自己的行程，若他們能夠抽空捧場，自己也會很開心，至於巡演會否請嘉賓？他說：「未有打算好似香港站請嘉賓，因為想帶啲新嘢，好似樂器及舞蹈畀大家睇，所以Rundown有啲未傾完。」
Ian想送手袋畀媽咪
至於地區限定方面，他則透露有機會會唱當地歌手的歌曲。對於他是MIRROR成員中最早衝出香港開巡迴演唱會的人，Ian指沒想過是第幾個，但這個機會是非常難得，雖然預計巡迴演唱會維持半年，但他相信不會影響MIRROR合體的工作：「公司會配合，我會盡量出席，唔會因為自己巡唱耽誤其他成員。」雖然工作密密麻麻，但Ian就不介意沒假放，他表示很喜歡工作，也很享受工作充實的生活，又謂之前MIRROR 巡唱時自己也留酒店寫歌：「唔同嘅環境會有啲新衝擊，玩就遲啲先，工作機會難得。（今年咁好成績，買聖誕禮物獎勵自己？）送畀屋企人，（買樓？）再努力多幾年先，之前送過首飾畀媽咪，今年想送手袋，最緊要屋企人開心。」
Ian預告聖誕推出個人首張實體碟
除此之外，Ian更預告聖誕將會推出個人首張實體碟，他坦言這是初出道的夢想：「呢個出碟嘅種子喺心裏面，呢幾年一路寫歌冇停過，想自己做得好啲，有機會時就好好把握。」
