有港女前日（13日）在油塘一街市花93元買購買靚波子提，回家晚飯後卻發現原本靚靚的提子「全部凍到熟咗」，似「腐屍」，懷疑磅秤時遭偷龍轉鳳。為討回公道，昨日（14日）到涉事生果檔與職員對質，結果對方大爆金句反駁，樓主於是把錄音和相片一同放到網上讓網民評理。
港女疑生果檔偷龍轉鳳逐張睇 ＋ 網民不齒↓↓↓↓
樓主：阿姐背住我磅提子
樓主前日晚上在facebook群組「油塘人之家」發第一道帖文，大呻「買海鮮會俾人偷龍轉鳳，我就聽得多，原來買生果都會，今日真係踩中蕉皮」，當中提到「阿姐攞去磅嘅時候，背脊對住我，當時我都有少少覺得奇怪（完全冇俾我望到個磅係幾重）」，接著指「今次我好肯定自己唔係唔好彩，係俾人掉咗包」，帖文全文見下圖↓↓↓↓
生果檔阿姐爆金句：明買明賣
到昨日，樓主為自己討公道後再發第二道帖文，上載當面與生果檔阿姐對質的錄音和相片。對質對間，得來對方的「明買明賣」金句，帖文全文見下圖↓↓↓↓，錄音全記錄也見下文↓↓↓↓
樓主上載的錄音長約1分23秒，內容如下——
「樓主2025年2月14日下午6點09分，我去街市搵阿姐對質，阿姐係咁樣講嘅：
阿姐：阿妹你要咩呀？
樓主：唔係呀，我想問下呢，我尋日呢，買呢隻提子呢，$38磅吖嘛。
阿姐：係呀。
樓主：點解返到去呢，我揀嗰時好靚㗎嘛，點解返到去呢，全部變到熟曬嘅。
阿姐：你攞咗嘢囉。
樓主：有咩可能呀？我尋日乜都冇拎喎，就係咁樣攞住包提子咋喎
阿姐：咁我又唔係好清楚你。
樓主：返到去全部熟曬喎。
阿姐：你自己有睇㗎哦。
樓主：我就係信咗你，俾你攞去磅囉，跟住你磅完之後攞個紅袋裝住俾我，我就走；熟曬，凍到好似腐屍咁樣，超市嗰啲廿蚊都買到啦，你有乜可能收我93蚊賣包咁嘅提子俾我呀？
阿姐：哎呀，咁你點呀？明買明賣㗎嘛哦，我擺開賣㗎呀嘛。
樓主：唔怪得網上個個都話你啲生果有問題啦，你都承認呢。
阿姐：唉，我自己都擺開埋㗎。
樓主：你攞去秤吖嘛，你秤完之後攞紅袋裝住俾我吖嘛，咁我咪俾錢你囉，我俾錢後，返到去擺雪櫃呀嘛，我當時冇孭餸呀，淨係孭你袋提子咋阿姐，咁樣做生意，搵多啲啦你」。
港女疑生果檔偷龍轉鳳逐張睇 ＋ 網民不齒↓↓↓↓
網民提供避掉包妙法
回應的網民大都替樓主不值，齊聲聲討，稱「喺街市買無得講，成日都係咁，佢地識變魔術」，也有人讚樓主做得好，指「唔好等佢以為咁容易呃人，個個都唔知又唔出聲」。另有人提供避免可能遭掉包的妙法：
網民：對付呢啲生果檔，千萬不要急先付錢，望實佢磅完，說了價錢，不需要他入袋，一手就放落自己帶嘅環保袋度，免除後患吖。
樓主：以後唔幫襯，無聲抗議。
港女疑生果檔偷龍轉鳳逐張睇 ＋ 網民不齒↓↓↓↓
網民：呢檔我買過一次奇異果表面好靚但切開全部唔食得㗎，返去問又係咁講。
樓主：所以呢啲根本就係佢嘅經營手法。
網民：包裝提子都唔知點揀，買返去好多都壞。
樓主：其實透明袋睇落去，就算返到屋企爛都有機會係一個半個唔出奇，除非俾人偷龍轉鳳，咁就好難講啦。
網民：一兩個壞算好好了，講緊起碼七八個係壞嘅。
樓主：咁好大機會又係俾人換咗。
相關閱讀：大埔燒臘店疑靠「砧板擋」出蠱惑 $263燒味過年開盒中大伏
