現年37歲的梁諾妍（Inez）與41歲的洪永城（Tony）結婚3年半，成功三年抱兩，大女「Sir Face」洪靖嵐（Amber）現已3歲，細女Beryl亦已8個月大。身為模特兒又是跑步及健身教練的梁諾妍，2月初去了滑雪旅行，她今日（25日）更在IG的限時動態貼出拔罐的照片，呻爆：「仆咗一鑊最甘嘅……隻手痛到廢了！」
梁諾妍呻爆：隻手痛到廢了
梁諾妍今日在IG的限時動態貼相，她表示：「廢！好啦！話說2月頭滑雪最後一日好興奮，然後仆咗一鑊最甘嘅！右手唔係好第（遞）得起，諗住時間係會痊癒一切嘅我，又搬、GYM又係咁擔擔抬抬又抱女，隻手痛到廢了……」
相關閱讀：洪永城36歲老婆突然做手術！梁諾妍Po身處醫院照惹憂心 產後曾持續高燒胸部紅腫患一病
梁諾妍拔罐急救「廢」手：
梁諾妍找物理治療師急救：
梁諾妍今日終於的起心肝搵物理治療師診治，她透露病情嚴重：「原來已經去到嚴重發炎要長時間搞返好佢！」並呼籲網民：「大家受傷記得快啲去睇，唔好學我！」她更加了兩個流淚及一個眼濕濕的emoji表示痛楚。照片可見，身穿淺灰色運動bra top的梁諾妍躺在治療床上，其容貌未有入鏡，她二頭肌及手臂有兩個拔罐痕跡，被拔罐的皮膚更呈啡黑色斑點，看得出她受傷痛楚難耐。
相關閱讀：洪永城8月大女兒突眼貼紗布 梁諾妍驚揭愛女生瘤或會影響視線
梁諾妍去年8月入院做手術：
去年8月梁諾妍入院做手術
去年8月底，梁諾妍在IG突然貼上一張身處醫院吊鹽水的相片，同樣相中未見其容貌，亦未有透露入院原因，只說：「做咗個小手術，可能要休成個星期先可以跑返步。」還加了3個正在流淚的emoji，情況令人擔心。問到其入院做手術的原因，梁諾妍受訪時表示：「應該大腿附近損咗平時唔為意，然後天氣又熱，跑步時又俾汗罨住，令傷口受到感染。醫生要幫我開刀放受感染瘀血，不過因為傷口容易再受感染，所以傷口唔埋得口，要放棉花入去個傷口度，每日返醫院洗傷口，所以要等傷口自己癒合先可以再跑返步。」
相關閱讀：洪永城老婆梁諾妍入院原因曝光！受感染要開刀放血 未為意小問題出事
