有網民在東鐵列車遇見離譜一幕，有攜同小童乘搭列車的大媽，疑上車時踩到一名「細路女」，她拒絕道歉更發惡罵人，揚言「你返去坐頭等囉」、「係咁碰碰撞撞㗎啦」，其言行惹起其他乘客公憤圍攻。
有網民拍下事件過程及後續如下：
東鐵大媽踩到細路女發惡大戰圍攻乘客：「我就係唔say sorry點呀？！」離譜後續曝光↓↓↓↓
有網民在社交平台發帖表示，在上周三（13日）表示，一名帶住小童的拖篋大媽在九龍塘東鐵站「嘈到火炭站」，事件起因是該大媽不小心踩到一名「女仔」，「佢不但冇道歉之餘，仲反Ｘ返人哋，叫人唔想俾人踩就搭頭等」，結果引起其他乘客不滿，代該「女仔」出頭。
影片中該「女仔」被大大的Emoji遮去樣貌，無從判斷年齡，在大媽與乘客對罵中，有乘客形容該「女仔」為「細路女」。
大媽：「Ｘ你，咁你返去坐頭等」
影片開頭該大媽正發惡爆粗大聲罵被踩「細路女」：「咁Ｘ惡，我係唔say sorry呀，咁點呀？！」該「細路女」未有出聲，該大媽越發憤怒：「Ｘ你，咁你返去坐頭等，坐呢到仲咩呀！」
該「細路女」這時說：「你踩到我呀。」大媽繼續怒斥：「我踩到你又如何？係咁碰碰撞撞㗎啦，你想點呀？」「細路女」即說：「我係咪可以踩返你呀？」大媽回應道：「你踩囉！我畀你踩！」
細路女：「你咪會打我？」
細路女疑惑地問：「你咪會打我？」大媽說：「我唔會打你，我點會好似你咁無理啫！……short short哋，喂，呢到唔係頭等呀，你坐頭等呀！」細路女此時以英語回應：「You’re being irrational（你不理智）」，大媽更加火爆：「你算Ｘ吧啦，唔好係到講英文啦！……你算Ｘ吧啦，去坐頭等啦。」
此時有多名乘客介入，有人拉走該細路女，並向大媽表示：「唔好嘈啦！好唔好呀！」大媽不甘示弱轉為大戰其他乘客：「喂，佢鬧我先㗎喎！」有乘客罵道：「你踩到人講對唔住啦！」
大媽說：「我踩到佢係唔小心！」此時多名乘客不值所為罵道：「你蠻不講理，你踩到人仲唔講對唔住！」「你踩到人，仲咩仲鬧人哋呀！」「人哋都畀你鬧啦！」「收聲啦！」「你唔小心唔識講對唔住呀！」
大媽：「如果係銅鑼灣，你直頭上唔到車！」
不少乘客多細路女出頭，但大媽沒有威縮，繼續爭辯：「肯定有碰碰撞撞㗎啦，大佬，佢鬧我先㗎！」「如果係銅鑼灣，你直頭上唔到車！」
有乘客又警告她根據港鐵附例，不可在車廂內講粗口，大媽聞言說：「係呀？我唔知喎！真係唔知喎！唔好成日同我講英文！」
她其後又強調自己有講「對唔住」，但即被其他乘客指講大話：「你邊有（講對唔住）呀？」有乘客怒斥：「人哋已經畀你鬧緊，唔出聲㗎啦。」大媽反駁：「佢仲惡過我啦！」該乘客怒道：「邊個惡呀？咁多人有眼睇！」有乘客又罵她「影衰中國人」。
乘客：「仲要畀你鬧，佢細路女嚟㗎」
車廂群情洶湧，但大媽毫無懼色，大聲地喊道：「咁肯定有唔小心㗎啦，你坐頭等就唔會㗎喎！」有乘客嘲諷她：「咁你坐頭等啦！」大媽即說：「我就係唔坐頭等，你踩我都唔會出聲！」該乘客說：「仲要畀你鬧，佢細路女嚟㗎。」
大媽帶著一名小童，該小童全程未有出聲，有乘客提醒她留意自己言行，可能對其小孩有負面影響：「你仲帶住個小朋友，好家教！」大媽竟回應說：「小朋友？我夠係小朋友囉，我老小朋友，傻嘅真係！」
帖文引發熱烈迴響，網民一面倒直斥大媽無理，並讚賞仗義為細路女出頭的乘客：「如果我在場一定Ｘ爆佢，見到就火滾。」「好彩有正義嘅市民幫手。」「成車都有好多明白事理嘅人，X得好！」「呢種人真係不知所謂,希望佢細路唔好學呀。」
來源：Threads＠h.1amct
同場加映：東鐵大媽硬坐小童腿上迫讓位 再攝成人兒子插坐 小童反應獲激讚：有教養↓↓↓↓
