港鐵旺角站有兩名少女疑遭阿伯非禮，停站時企車門阻列車行駛，不斷怒斥阿伯「鹹濕佬」要他落車：「你好唔好意思呀，7、80歲人鹹濕個𡃁妹！」現場一眾男乘客亦加入助攻。
事發於前日（14日）下午約5時，數段乘客拍攝的現場影片在網上熱傳，過程如下：
旺角2少女阻港鐵行駛大戰阿伯 怒斥鹹濕涉非禮：「全車人陪你一個！」一眾男乘客咁助攻↓↓↓↓
有網民在社交平台發片發帖表示，前日（14日）搭港鐵，目睹兩名女子與一名男乘客衝突：「（列車）開咗門之後有個阿叔上咗車，然後有2個女仔喺月台同車門中間不停指住阿叔嚟鬧，話個阿叔非禮佢哋，叫佢落車，佢哋要報警。」
另有網民則以「香港人唧吵架水平有幾勁」為題發布多段事發影片，一名著吊帶衫少女激動地指斥一名坐著的阿伯，怒喊要他下車：「一齊落車！一係就全車人同你一齊（等）！」少女的一名女性朋友則勸喻她冷靜。
當時列車已停駛，有港鐵職員到場，吊帶衫少女繼續站在車門與月台之間，怒斥該阿伯：「全車人陪你一個！（閉路電視）全車都有㗎！你千祈唔好落車呀！」少女又憤怒以手指指向阿伯，大聲怒斥：「鹹濕佬！」
「你好唔好意思呀，7、80歲人鹹濕個𡃁妹！」
其後少女的女性朋友亦加入指罵，手指指向列車閉路電視，向阿伯表明現場有錄影，該朋友再大聲喝斥阿伯：「你好唔好意思呀，7、80歲人鹹濕個𡃁妹！」
其後影片顯示多名男乘客鼓譟助攻，當中包括一名南亞裔男子，有人爆粗助攻，要求阿伯落車：「落車呀，依家！」「你落唔Ｘ落呀！Ｘ你老Ｘ！」「依家講乜Ｘ嘢呀！」現場兩名港鐵職員站在阿伯面前，不斷勸喻男乘客冷靜。
港鐵職員又勸喻阿伯：「我哋落車處理，好唔好？」這時一名男乘客激動地趨前罵阿伯：「你非禮人哋呀！仲整跌人哋電話呀！你老Ｘ！」其後港鐵職員成功說服阿伯離開車廂，阿伯在職員陪同下離開，一眾男乘客則以粗口相送：「Ｘ你老Ｘ！」「唔出去揼實你呀！」
影片掀起熱議，網民大讚兩名女子及仗義協助的男乘客勇敢：「……肯出聲嘅全部都型！包括被非禮嘅小姐做得好！」「係因咩目的先幫手都好，依家仲有人肯出聲已經好值得讚……」
港鐵發言人回覆《星島頭條》表示，根據記錄，前日（9月14日）下午5時許，旺角站職員留意到一列往荃灣方向的列車上有乘客發生爭執，主動上前協助。一名女乘客表示被車上一名男乘客騷擾，職員於是協助報警，並陪同雙方留在車站等候警員到場處理。期間列車運作大致正常。
來源：Threads＠iamvickichan、villawang129
同場加映：阿叔東鐵捉姦扯走短裙女 車廂掟電話情緒大崩潰：「戴綠帽呀！溝埋啲大陸仔呀！」↓↓↓↓
