有網民近日搭巴士指，有輪椅伯伯因為輪椅位遭行李篋霸住，被巴士車長拒絕上車，其後獲熱心乘客協助上車後，伯伯仍遭車長指責：「搞到咁鬼迫。」樓主形容當時輪椅伯伯的反應令人「好心酸」。
涉事為城巴970過海線，來往數碼港及蘇屋邨。樓主表示，城巴已聯絡她，已將涉事車長編號交巴士公司處理：「希望同類事件唔會再發生。」城巴回覆《星島頭條》表示，已即時展開調查，主動聯絡目擊者以掌握事發經過、班次及車長編號等資料。
行李篋塞位輪椅伯伯被拒上巴士 乘客助上車惹車長不滿：「搞到咁鬼迫」 伯伯咁反應令人心酸↓↓↓↓
有網民上周四（9月25日）在社交平台發相發帖表示，8月25日搭城巴970線，當時一名坐輪椅的伯伯，因為車上輪椅停放區被行李篋霸住，「所以車長要求伯伯搭下一班車」。
樓主公開當時拍到的相片，看到有兩個細行李篋及一個背囊，打橫堆放，加上懷疑為這些行李的物主，霸住整個輪椅停放區。
樓主表示，由於「伯伯想搭呢班車」，「有熱心乘客幫伯伯上車，又有人讓個位俾伯伯坐」，最終伯伯成功上車，但是「就係咁俾車長鬧」。
樓主指當時車長指責伯伯：「都叫你搭下一班㗎啦，搞到咁鬼迫，其他人冇位企、冇得行啦。」
樓主不滿車長指責輪椅伯伯：「其實仲有好多位，同埋我哋啲乘客都冇介意，車長就係咁鬧伯伯。」
車長反斥輪椅伯伯：都叫你搭下一班㗎啦，搞到咁鬼迫
當時有乘客亦不值車長所為，仗義幫口：「好多位喎，大把位啦，之後好多乘客和應：係囉（好有愛）」。至於被車長指責的伯伯「就一直扶住佢個輪椅，默默不語」，樓主目睹伯伯當時反應坦言：「好心酸。」
樓主對於車長的行為感不滿，她在帖文中反問：「嗰個位唔係輪椅人士優先使用㗎咩？係咪應該叫擺咗行李篋嘅乘客讓返個位出嚟？」
「作為車長，唔叫不特止，又唔幫伯伯上車，伯伯上咗車仲係咁話佢，坐輪椅佢想？搭架巴士都要佢讓位？」
網民心痛 樓主：已交城巴處理 希望同類事件唔會再發生
樓主表示已「影低車長編號」，她其後亦表示城巴已聯絡她，「已將車長編號告知（城巴），如何處理，將交由城巴決定……原意只係希望同類事件唔會再發生。」
帖文引發熱烈迴響，網民紛紛指該車長處理失當：「作為車長，應該係問啲篋係邊個既，叫對方拎開，而唔係唔俾輪椅上。」「個司機完全錯晒，果個位唔係俾人放行李，叫城巴幫佢再上training。」「心痛！！個阿伯唔應該受呢啲委屈！」
城巴：已即時展開調查
城巴發言人回覆《星島頭條》表示，留意到社交平台上一則有關輪椅乘客乘車經歷的帖文，已即時展開調查，並主動聯絡帖文目擊者以掌握事發經過、班次及車長編號等資料，以便從跟進事件。
城巴強調，公司非常重視為乘客提供傷健共融的乘車環境，所有輪椅乘客均享有輪椅停放處的優先使用權。當輪椅乘客登車時，車長應當為他們提供適切協助，包括降低巴士車身、展開輪椅上落板、確保輪椅安全固定於輪椅停放處，方能繼續行程。
來源：sunlk77＠Threads
同場加映：巴士車長無為輪椅婆婆落斜板？家屬上落車「全自助」全網震怒 最後仲咁「潤」乘客極離譜 九巴調查有另一版本↓↓↓↓
