港鐵不時推廣「帶大型行李搭𨋢」的安全習慣，但屯馬綫一車站的扶手電梯上，日前卻因為懷疑有人貪一時方便而險釀成巨災，梯上兩個人拎3個喼但失手，行李箱頓變保齡球，有直擊的乘客形容當時「老人家骨牌咁冧」。詳情見下圖及下文：
屯馬綫扶手電梯險釀巨災 兩個人拎3個喼失手逐張睇↓↓↓↓
樓主：前面幾個老人家骨牌咁冧
樓主本月7日在社交平台Threads上載兩張相片發帖，留言指「黐線差啲夾死，咁大個gip（喼）上扶手電梯，一上扶手電梯就有人叫救命，前面幾個老人家骨牌咁冧，好彩有人即刻啪停條梯，有人抽返我出嚟」。樓主接著稱，「職員嚟到啲人就散晒，目擊者話係兩個人拎3個gip失手跌gip」。
從樓主上載的兩張照片中見到，扶手電梯兩邊乘客都在緊張地張望，有人指手畫腳，，有人還拖著喼；左邊一名紫色外套的女子更加反著方向行。
另一張相見到，疑似涉事的行李箱流落在扶手電梯口，旁邊是往屯門方向的月台。樓主在回應欄補充，「兩個人拎3個gip，另外兩個gip都只係細少少」。
相關閱讀：翻側輪椅照瘋傳！屯門輪椅長者商場搭扶手梯向後翻 後續結果曝光
網民鬧爆：靠害
有回應的網民估計，現場可能是鑽石山站一扶手電梯。而事發後，網民相當關注乘搭扶手電梯的安全問題，指：
•仲要咁大個喼，得兩個人拎好心就搭𨋢啦，靠害；
•唔好話跌喼，前面啲人行得慢，或者塞咗喺度唔行都已經好危險；
•好心搭𨋢喇，平時兩手fing fing（揈揈）就走去搭𨋢，攞咁多嘢就搭扶手電梯，係咪傻㗎？
•幾時都話拎大型行李唔該死去搭𨋢啦，拎車仔啲老人家又成日唔聽話，睇少一眼真係累人累物，整到邊個都唔好啦；
•喼都好啲，BB車。入面有個真人嘅BB車，跌嗰陣時，大人顧得自己，定車仔，定車入面個BB呢⋯，非常、超級、極之、自私又無公德心。
另有人提醒「通常我見到咁大個喼上扶手電梯我一定唔會搭住」。
相關閱讀：旺角爆扶手電梯大戰險釀人踩人 拖大喼行李男女塞電梯衝突 身後仲有BB車 路人驚呼：喂！行啦！
網民分享類似所見所聞
有不少網民分享類似的所見所聞：
•一模一樣的情況我在尖沙嘴地鐵看到過！！好危險；
•我之前喺鑽石山站都見過一次，不過還好人唔多，又係幾個遊客嘅大gip跌落去撞到人⋯⋯；
•鑽石山馬鐵站咁長電梯一出事好難；
•我都試過上面有人跌喼，我急用著腳頂住個喼，好彩無咩人，我即刻叫佢哋快啲拎返個喼 ；
•之前喺啟德上SOGO嗰條電梯已經係啦，後面有人推住架BB車，可能夾到條罅，個電梯自動停咗，嚇鬼死，好在我哋已經上到頂冇跌親 ，好心搭𨋢；
•放產假前返工喺香港站搭扶手梯上行。已經等啲阿毛阿伯gip神上先。點知前面阿嬸拉住個買餸車未扶穩就喺度摷孭袋，順勢架車仔（喺扶手梯咗邊）向後look（碌）。我即刻貼到最右邊。但阿嬸想捉住車仔自己又失平衡，成個人瞓落嚟我度。我一手護住個肚一手推佢上去，好彩自己夠大力冇俾佢責親。嚇到我個心離一離。自此到臨生前我去邊都係搭升降機上落了；
•上次福田口岸也有人跌喼！這是不小心？太大意了吧，上次跌了4級被我擋著了，才剛下梯不久，不然跌下去前面的一定撞跌，我腳也被撞瘀，超變態；
•好彩你冇事！下次見到啲拎gip人，拖車仔嘅，避開佢哋！我冇咁好彩，上年搭電梯落月台，冇玩電話，扶實扶手，突然間俾個身位企後幾個嘅呀婆叉錯腳碌落嚟，我企前面俾佢壓落嚟，喺電梯碌咗幾個圈，其中一隻腳流晒血，即場俾救護車送咗入醫院。個傷口要縫針。自此之後我坐親電梯都望前望後，一見有唔對路就避開；
•呢啲真係害人不淺，求其中一個都出事，我都試過係韓國搭地鐵轉車去機場，其中要搭一條長電梯，ＸＸ突然聽到人大叫，即刻望後睇咩事，望住個gip滾雪球咁碌落嚟，好Ｘ彩個個都係企係同一邊，我老豆一嘢踢開個gip（當然比我鬧咗陣，萬一整親自己點算）。Anyway（不管怎樣）最後發現係兩個香港女仔拎住3個gip仲要滿手都係嘢，Ｘ街，你3個gip搭乜Ｘ電梯呀。
資料來源：q0w0p.ha＠Threads
相關閱讀：港鐵外傭單手扯BB車搭扶手梯 乘客攔截不聽：狀況有點危險！↓↓↓↓
今年3月，有網民在港鐵堅尼地城站，遇見一名外傭竟以彎身單手方式，扯實BB車搭扶手電梯，險象環生，該網民出手攔截，但該外傭不聽，一意孤行，連下兩條扶手梯，「狀況有點危險」。該網民在「西環變幻時」FB專頁發帖，講述事件如下↓↓↓↓
