劉德華昨晚（10日）在紅館舉行最後一場《今天… is the day 》演唱會，來到尾場， 劉德華仍然狀態大勇，觀眾全場叫不停，氣氛high爆。劉德華大叫：「我要好好地聽吓！聽日開始聽唔到，睇下嗌得幾耐。最後一場唔好留啦！由而家開始癲到尾，聽到呼喊聲先送歌畀你。」全場高聲叫囂。
劉德華尾場有歌迷大叫「畀家用」
劉德華演唱《 情感的禁區》前，他表示找回自己的青春，希望大家保持初心。劉德華每晚跟歌迷勾手指，叫歌迷說「我願意」，笑指歌迷是劉太。尾場有歌迷大叫「畀家用！」劉德華聞言笑說：「畀家用？我養你哋囉！反正都係喺你哋身上呃返嚟，哈哈！」
劉德華演唱會2024香港站｜劉德華淚崩紅館：
劉德華二度安哥淚崩紅館
演唱《練習》時，劉德華早前於上海演唱會上在升降台的滑跪動作滑出舞台邊緣險生意外，早前在紅館再出現驚險畫面，滑跪時跌倒，頭部滑出舞台邊。劉德華終於作出修改，他在3米高台上跑了幾步，先停下才跪地，確保安全。之後劉德華演唱《 心只有你》感觸眼泛淚光，唱完《你是我的女人》後劉德華依依不捨流淚，用手抹鼻，表示最後一場，哽咽感謝樂手及和音們。其後，演唱快歌《我恨我癡心》，台下捧場藝人全站立，手舞足蹈。安哥時，劉德華不時眼濕濕，並說需要平伏一分鐘，二度安哥獻唱《天天想你》、《奉陪到底》、《永遠記得你》，最後劉德華大叫「我愛你們！」
完騷後，劉德華與幕後人員祝酒時即飲兩啖香檳，並說終可拉開口罩見大家，坦言上次演唱會留下陰影，所以對身體特別小心。完成共72場巡迴演唱會，劉德華表示很想繼續開落去但又擔心，眼見工作人員也辛苦，又擔心他身體各樣，而今次出奇地暢順，若再繼續會以另一形式與大家見面。談到尾場是否喊得最多？劉德華稱不是，反而剛開始演唱會每日擔心身體狀況，壓力較大易感觸。他又說自己的不小心令人擔心，經過幾次已覺得自己小心但都有少少意外出現，因此修改危險動作，讓大家安心欣賞演唱會。有否被家人話？他笑說：「少不免。（被女兒話？）唔係。（太太？）佢比較擔心。（太太在場有壓力？）冇壓力，佢在場我會好啲。（她看了多少場？）72場。」劉德華又指女兒睇騷後有很多評語，每日也提醒他，例如跳錯舞。他說今次表演是最舒服、放鬆和享受的一次，如常給予自己的表現70分。完成巡演會休息一段時間，農曆新年與家人去旅行。
相關閲讀：96歲白雪仙激罕現身睇劉德華演唱會！雍容華貴艷壓紅館 撐場只因一個理由
劉向蕙朱麗蒨竟因一物惹吐槽：
劉德華期待四大天王同台
另外，問到對啟德體育園表演場地會否感興趣？劉德華說暫未有諗法，對於有議員提議邀四大天王在新場舉辦演唱會，劉德華即說：「四個一齊？我想呀，真係想。我哋始終係一個年代嘅表演，如果4個可以一齊喺嗰度表演係一件盛事。」而今次劉德華仍獲一眾圈中人捧場，包括炎明熹、吳君如夫婦、錢嘉樂夫婦、張繼聰與太太謝安琪、Gin Lee、邵美琪、林建明、余安安、陳法蓉、盧海鵬、甄珍、TVB行政主席許濤夫婦、文化體育及旅遊局局長羅淑佩等。
