環球股市因為特朗普把口，再一次180度轉向。美國總統特朗普香港時間周一晚上宣佈，相繼將墨西哥及加拿大的關稅措施暫緩實施30天，消息一出，夜期怒挾逾300點，美股比特幣亦由低位反彈；港股翌日（周二）在好消息刺激下，重演「冇北水就怒挾」嘅劇本，恒指埋單勁升572點，收報20789點。
做啱方向就要食 滾存利潤
你有你嘅劇本，我都有我自己嘅部署，正如夜晚直播節目所講，今年玩股票一定要做到「有食要食」，做啱方向就要「食」，所以昨日港股爆上，倉位就只係不停食糊，包括騰訊（700）及小米（1810）好倉，不停滾存利潤，積小勝為大勝。
北水魔咒非陰謀論
另一個食糊原因，乃A股今日復市，亦意味北水回歸。「次次都話北水魔咒，好陰謀論啫。」Ok，唔講陰謀論，我哋試下易地而處——假設港股停市幾日，然後復市裂口高開，你會食糊定加注？唔使答我，我都唔會答你，我已用行動話你知我點答。「如果真係再搶高點算？」咁我都贏咗啦，最多咪贏少啲，總好過輸吖，對嗎？
唐牛
相關文章：
DeepSeek未能擊潰護城河 Nvidia被忽略的本質｜晉佳
