一對男女昨（27日）光顧一間荃灣火鍋放題店時「又食又拎」，涉將大批肥牛、生蠔及蝦蟹等食材放入環保袋企圖拿走，但遭店舖閉路電視拍下「斷正」。有網民迅速起底，並上載數張貪心男的生活照及工作照，指貪心男疑為醫療輔助隊的成員。
醫療輔助隊回覆《星島頭條》表示，經查證後，事件中的男子證實為曾在本隊受訓但已離隊的前隊員，強調醫療輔助隊一向重視隊員之紀律與操守，如有任何隊員行為違反本隊規例，定會按既定程序嚴正處理。
火鍋放題打包｜網民起底揭貪心男「真面目」 被指為醫療輔助隊成員
根據網民上載的相片所見，貪心男身形肥胖，身高約1.75米，年約40多歲，其身穿的白色POLO恤，左胸口疑有醫療輔助隊的標誌。另外一張相片中，貪心男身穿舊款的醫療輔助隊制服，出席公開活動與高層合照，不少人認為貪心男疑為醫療輔助隊的成員。
另外，有人發現貪心男事發時身穿的黑色Tee，其左胸口亦有一個寫有「EMT」的標誌，疑為「 Emergency Medical Technician 」的縮寫，即為緊急救護技術員。
火鍋放題貪心男女又食又拎 生蠔肥牛蝦蟹乜都塞落袋 職員客氣勸交還
網上昨日流傳一段荃灣「千海水產」火鍋店職員隨身攝錄機所拍攝影片，片中見到一名男職員手持托盤走近一張二人枱，並向男女顧客表示：「CCTV打電話落嚟，見到係咪唔覺意攞咗啲嘢食落個袋？」。初時該對男女亦未有承認，直到職員非常客氣勸喻：「麻煩攞返出嚟，因為睇住我做緊嘢，攞返出嚟就簡單啲，因為食物衞生啦始終都，食到全部可以係度食」。
相關新聞：火鍋放題打包︱黃傑龍笑稱似「魔術表演」 談放題經營之道：如情況太嚴重或全行要加價
男子其後施施然從身旁一個黑色環保袋中，取出一個袋滿海鮮的膠袋，之後職員要求男子再取出袋內的肥牛，但男子立即表示該些肥牛不屬於火鍋店。職員未有理會，堅持要求男子交出袋內所有擅自取走的食材，「嗰啲牛肉應該係我公司，唔好意思，攞埋出嚟，仲有啲蝦呀盛，不如成盒攞出嚟好嗎？始終都要保障返顧客，食幾多唔緊要，我哋大把時間，但就唔可以攞走，因為張貼晒出嚟，麻煩晒。」
男子表現慌張，從袋內取出一大堆肥牛後，最終將整個環保袋交予職員，令職員大為震驚：「成袋呀？」職員隨後將食材全部取走，之後將所有食材放在枱面檢查，包括生蠔、蟹、魚片、蝦、肥牛及公仔麵等，「啱啱喺A49見到個客盜取比較多嘅食材拎走」，片段就此結束。
相關新聞：千海水產男女又食又拎｜旺角放題同業拍片「抽水」籲勿打包 網民斥：真係要搵窿捐
